За распаўсюд «экстрэмізму» ў Віцебску аштрафавалі грамадзянку Расіі
Суддзя Першамайскага раёна Віцебска Міхаіл Юрчанка 13 верасня за падпіску на «экстрэмісцкую» старонку пастанавіў аштрафаваць грамадзянку РФ Наталлю Куксёнак, якая жыве ў Віцебску.
05.10.2023 / 13:53
Гэта другая ў гэтым годзе адміністрацыйная справа, разгледжаная з нагоды распаўсюда «экстрэмізму» ў дачыненні да Куксёнак. Першая была разгледжана напрыканцы жніўня тым жа суддзёй.
У судовым паседжанні стала вядома, што факт «супрацьпраўных дзеянняў» з боку Наталлі быў устаноўлены супрацоўнікамі міліцыі ў будынку Упраўлення ўнутраных справаў Віцебскага аблвыканкама. Згодна з адміністрацыйным пратаколам, дзяўчына ў інстаграме была падпісана на канал Nexta.
Куксёнак у судовым паседжанні сваю віну ў здзяйсненні правапарушэння не прызнала, адмаўляла намер на распаўсюд экстрэмісцкіх матэрыялаў, піша «Віцебская Вясна».
Чытайце таксама:
Працяг аблавы ў Ваўкавыску: паказалі яшчэ шасцярых затрыманых
За «экстрэмізм» будуць судзіць кіраўніцу справамі сельвыканкама з Докшыцкага раёна
Затрымалі доктара санаторыя «Пралеска» і супрацоўнікаў «Беллакта»