Затрымалі доктара санаторыя «Пралеска» і супрацоўнікаў «Беллакта»
Працяг маштабнай аблавы ў Ваўкавыску — сілавікі паведамілі пра новых затрыманых.
Сярод затрыманых — намеснік галоўнага доктара па медыцынскай частцы філіяла №6 санаторыя «Пралеска» Андрэй Тарасевіч. Сёння мужчыну споўнілася 53 гады. Калі верыць сацсеткам, ён скончыў санкт-пецярбургскую Вайскова-медыцынскую акадэмію ў 1993 годзе. Доўгі час ён працуе доктарам у Ваўкавыску. Яму закідаюць «распаўсюд экстрэмісцкіх матэрыялаў» (што цяпер звычайна азначае рэпосты з незалежных каналаў).
Другі з затрыманых — Ягор Данько. Працуе ён на «Беллакце». Яго вінавацяць у «паведамленнях у падтрымку Украіны ў тэлеграме». Затрымана і яшчэ адна супрацоўніца «Беллакта», 39-гадовая Аксана Шырынга, за «распаўсюд экстрэмісцкіх матэрыялаў».
У відэа з затрыманымі паказалі таксама 38-гадовага Дзяніса Сыраватка. Яго таксама вінавацяць у «распаўсюдзе экстрэмізму».
Імаверна, лік затрыманых у Ваўкавыску падчас нядаўніх аблаў ідзе на дзясяткі — губазікаўцы ўчора паказвалі пяцярых затрыманых, але абяцаюць «працяг гісторыі».
Праваабаронцы звязваюць актыўнасць сілавікоў у Ваўкавыску з інцыдэнтам, які адбыўся днямі ў горадзе. Па інфармацыі «Вясны», на адным з выклікаў (бытавая сітуацыя, не звязаная з палітычным пераследам) быў збіты супрацоўнік міліцыі. Пасля гэтага ў горад адправілі сілавікоў з Мінска і Гродна, якія і пачалі «зачыстку».
«Наша Нiва» — бастыён беларушчыны
ПАДТРЫМАЦЬРэстаўрацыі ў Беларусі засталося на тры дні. Галоўнаму прадпрыемству краіны фактычна падпісалі смяротны прысуд1
Каментары