Viera Palakova-Makiej: Ja zrabiła b usio mahčymaje, kab źmianić tyja abstaviny, jakija sa mnoj adbylisia

Udava byłoha ministra zamiežnych spraŭ Biełarusi Uładzimira Makieja adśviatkavała 45-hadovy dzień narodzinaŭ. Padčas jubileju jana raspaviała pra asabistaje. Viera Palakova-Makiej skazała, što zrabiła b usio mahčymaje, kab źmianić toje, što adbyłasia.

24.10.2023 / 10:09

 

 Viera Palakova-Makiej. Skryn videa

«Mnie chaciełasia b zastavacca dziorzkaj, junaj — chacia b u dušy. Mnie zdajecca, što kali čałaviek juny ŭ dušy, to i źniešnie jon vypramieńvaje śviatło, dabro, — skazała Palakova. — Mnie chočacca, kab byli zdarovyja i ščaślivyja maje dzieci. Jany zaraz — majo žyćcio, ja dziela ich žyvu, dziejničaju. Kab byli ščaślivyja i zdarovyja maje baćki, kab ja ich nie zasmučała, tamu što apošnim časam ja ich časta zasmučaju…

Kab byŭ mir va ŭsim śviecie. Mnie vielmi chaciełasia b, kab ludzi stali dabrejšymi i kab u žyćci było bolš śvietu…» — skazała Makiej. 

Jana raspaviała, što kožny svoj dzień naradžeńnia ja abaviazkova hrała premjeru dla svaich hledačoŭ. I śpiektakl «Majstar i Marharyta» vypuścili ŭ lipieni mienavita dla taho, kab pakazać na jejny dzień naradžeńnia. 

«Ja dva hady vynošvała hetuju ideju, ale ŭvieś čas była psichałahična nie hatovaja syhrać hetuju rolu. Kab syhrać jaje tak, jak ja baču i adčuvaju (usie svaje roli ja nie hraju, a žyvu na scenie), mnie treba było, musić, nabrać niejki žyćciovy bahaž. Hety hod byŭ vielmi ciažkim dla mianie ŭ emacyjnym płanie, i hety śpiektakl — heta maja spoviedź, danina majmu mužu …

Marharyta — jana atrymałasia vielmi mocnaja ŭ mianie žančyna. Žančyna, hatovaja zrabić usio, kab vyratavać dušu svajho kachanaha. I dla hetaha jana i idzie ŭ piekła praktyčna i prachodzić tam usie vyprabavańni — tolki dziela taho, kab viarnuć jaho sabie.

Mnie zdajecca, što kali b u realnym žyćci heta było mahčyma, to, kaniešnie, ja zrabiła b usio mahčymaje, kab źmianić tyja abstaviny, jakija sa mnoj adbylisia…» — skazała Makiej.

Viera Palakova — aktrysa, dyrektar Teatra junaha hledača, udava byłoha ministra zamiežnych spraŭ Biełarusi Uładzimira Makieja. Jaje muž pajšoŭ z žyćcia ŭ listapadzie 2022 hoda. Imaviernaja pryčyna śmierci Uładzimira Makieja — suicyd.

Čytajcie taksama:

Na kazku dla darosłych, dzie ŭ hałoŭnaj roli Viera Palakova-Makiej, čakajecca anšłah

Viera Palakova-Makiej raskazała, kolki ŭ TIUHu śpiektaklaŭ na biełaruskaj movie

Kudy źnikła ŭdava Makieja Viera Palakova? 

Imaviernaja pryčyna śmierci Uładzimira Makieja — suicyd

 

Nashaniva.com