Na kazku dla darosłych, dzie ŭ hałoŭnaj roli Viera Palakova-Makiej, čakajecca anšłah
Siońnia ŭ Teatry junaha hledača — premjera fantastyčnaj kazki dla darosłych pa matyvach adnajmiennaha ramana M. Bułhakava «Majstar i Marharyta». Śpiektakl prymierkavany da jubileju dyrektara teatra, zasłužanaj artystki Respubliki Biełaruś Viery Palakovaj-Makiej, piša «Narodnaja Vola».
U teatry prosiać, kab na premjernych pakazach śpiektakla — 19 i 20 lipienia — hledačy prytrymlivalisia dres-kodu total black.
Aŭtar insceniroŭki — Taćciana Sambuk, mastak pa kaściumach — Natalla Łazarčyk. Śpiektakl TIUH rabiŭ sumiesna z teatralnym prajektam Viery Palakovaj «Trytfarmat».
«Ja tabie kazku raskažu. Była na śviecie adna ciotka. I ŭ jaje nie było dziaciej i ščaścia naohuł taksama nie było. I voś jana śpiarša doŭha płakała, a potym stała złaja».
Jość na śviecie vielizarnaja siła. Kachańnie. Bieražy, nie davaj u kryŭdu, vier u jaho!
I jano tabie adździačyć — budzie viečnym!
Heta śpiektakl-pierformans, śpiektakl-kancert, śpiektakl-absurd i drama. Ci možna dać jamu aznačeńnie? Navat nie varta sprabavać, bo hałoŭnaje, što jon pra viečnaje kachańnie», — havorycca ŭ afišy da śpiektakla.
Śpiektakl idzie 1 hadzinu 40 chvilin biez antraktu.
Učora była zdača śpiektakla, na jakuju taksama pradavali kvitki. Siońnia i zaŭtra — premjera.
Usie kvitki na premjeru pradadzienyja.
«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary8
Kamientary