Na Kamaroŭcy pradajuć niezvyčajnyja «jabłyki» — pa 30 rubloŭ za štuku
Frukt źmiaščaje šmat cukru, tamu dyjetyčnym jaho nijak nie nazavieš.
27.10.2023 / 16:38
Niezvyčajny frukt znojdzieny na Kamaroŭskim rynku. Ździŭlaje nie tolki jaho vonkavy vyhlad, ale i košt, jaki za jaho prosiać, piša tochka.by.
«Jabłyki» pradajucca ŭ azijackaj kramie, z čaho možna zrabić vysnovu, što hety dziŭny płod — vychadziec z subtrapičnaha klimatu.
Važyć adzin frukt 500-600 h, a kaštuje kala 30 rubloŭ.
Što heta za frukt?
Zialony sercapadobny płod, jaki pradajecca na Kamaroŭcy, vielmi padobny na čerymaju.
Radzimaj hetaha frukta pryniata ličyć Ekvador, Kałumbiju i Baliviju. Zaraz ža jaho ekspartujuć u asnoŭnym z Tajłanda, Małajzii i Kitaja.
Śćviardžajecca, što smak čerymoi zaležyć ad miascovaści jaje vyrastańnia. Ale ŭ cełym jon nahadvaje sumieś banana, papai, piersika i ananasa.
Paŭkiłahrama — heta drobny frukt. Płod hetaha dreva moža dasiahać 3 kh.
Karysnyja ŭłaścivaści
Čerymoja źmiaščaje mnostva karysnych rečyvaŭ: białki, vuhlavody, folijevuju kisłatu, kalcyj, fosfar, žaleza, tyjamin, hlukozu, fruktozu, a taksama arhaničnyja kisłoty — limonnuju i burštynavuju.
U toj ža čas tam vialikaja kolkaść cukru i vuhlavodaŭ, tamu dyjabietykam varta stavicca da jaho z aściarohaj.
Saśpiełyja płady zvyčajna ŭžyvajuć u śviežym vyhladzie. Ich razrazajucć i źjadajuć miakać łyžkaj.
Čytajcie taksama:
Na Kamaroŭski rynak paśla ramontu viarnuli znakamityja skulptury
Na Kamaroŭcy zaŭvažyli mamordziku. Što heta takoje i kolki kaštuje?