Na Kamaroŭski rynak paśla ramontu viarnuli znakamityja skulptury
Miesiac tamu paviedamlałasia, što ź minskaj Kamaroŭki źnikli skulptury, jakija stajali na hetym miescy šmat hadoŭ: kampazicyi «Dama z sabačkam» dy «Koń i vierabiej». Ciapier jany viarnulisia nazad, piša Blizko.by.
![](http://nashaniva.com/img/w732d4webp1/photos/z_2023_10/2023-10-25214729-hsacy.png.webp)
Kali skulptury prybirali, Valeryj Fiedarcoŭ, hałoŭny inžynier rynku, raskazvaŭ, što padčas uparadkavańnia terytoryi kampazicyi pravieryli na pradmiet nadziejnaści macavańniaŭ. U vyniku dźvie skulptury — «Dama z sabačkam» i «Koń i vierabiej» demantavali i adpravili na ramont.
Ekśpiert rastłumačyŭ, što pad upłyvam roznych faktaraŭ, źviazanych z nadvorjem i časam, skulptury padviarhajucca razbureńniu, tamu ich nieabchodna svoječasova restaŭravać.
I voś praź miesiac u instahramie Kamaroŭki źjaviłasia videa, jak kampazicyi pad muzyku «Błakitny vahon» viarnulisia na raniejšaje miesca.
Kamientary