«Heta rasčaravańnie hoda, na vypadak jadziernaj vajny». Jak prajšła dehustacyja novaha piečyva ad «Słodyčy» z modnaha ciapier suchoha małaka
Kandytarskaja fabryka «Słodyč» vypuściła navinku. Pradpryjemstva zapeŭnivaje, što takoha piečyva pakupnik jašče nie sprabavaŭ. A Blizko.by znajšoŭ jaho ŭ firmovaj kramie i kalektyŭna pradehustavaŭ. Voś što z hetaha vyjšła.
Hetaja navina stała papularnaj u siaredzinie kastryčnika: na fabrycy piečyva vypuścili navinku. U Instagram pradpryjemstva zapeŭnivajuć, što takoha piečyva pakupnik jašče nie sprabavaŭ. Zaviecca pradukcyja «Małočny siurpryz» dla dziaciej ad 3 hadoŭ.
Što heta za cud?
Na sajcie vytvorcy skazana: piečyva z vysokim utrymańniem suchoha małaka — 30%. Piečyva padychodzić dla dziaciej ad 3 hadoŭ, biez farbavalnikaŭ, kansiervantaŭ i aramatyzataraŭ. Hety zdarovy i pažyŭny łasunak, stvorany śpiecyjalna dla dziaciej, z ulikam ich patreb. Piečyva stanie idealnym vybaram dla ŭsich baćkoŭ, jakija žadajuć prapanavać svaim dzieciam niešta smačnaje i karysnaje adnačasova.
Tema suchoha małaka ŭ apošni čas stała vielmi modnaj. Uletku na babrujskaj fabrycy «Čyrvony charčavik» naładzili vypusk cukierak «Dziciačyja historyi» z padvyšanym (amal 40%) utrymańniem suchoha małaka. Padobnyja pryvioz z pajezdki ŭ Kitaj Mikałaj Łukašenka — i ŭ krainie paskoranymi mietadami zapuścili ŭłasnuju vytvorčaść. Pra heta navat na sajcie z honaram havorycca.
I voś zaraz dajšła čarha da piečyva.
A što tam unutry?
Žurnalisty znajšli ŭpakoŭku piečyva ŭ firmovaj kramie «Słodyčy» na Kamaroŭcy. Pakiecik niemaleńki, a samoha piečyva adnosna niašmat: 150 hramaŭ. Jon kaštuje 1,84 rubla.
Skład: muka pšaničnaja vyšejšaha hatunku, małako suchoje abiastłuščanaje, cukar, alej raślinny, pradukty jaječnyja, inviertny sirop, razrychlalniki (hidrakarbanat natryju, hidrakarbanat amoniju).
Kansiervantaŭ, aramatyzataraŭ, hienna-madyfikavanaj soi, palmavaha aleju i inšych dabavak, jakimi lubiać pałochać, u składzie niama.
Charčovaja i enierhietyčnaja kaštoŭnaść prykładna takaja ž, jak u zvyčajnaha piečyva: białkoŭ — 15 hramaŭ, tłuščaŭ — 12 hramaŭ, vuhlavodaŭ — 63 hrama, dabaŭlenaha cukru — 16,6 hrama, i ŭsio heta vylivajecca ŭ 420 kiłakałoryj na 100 hramaŭ praduktu.
Z vyhladu piečyva zusim nie adroźnivajecca ad inšaha: kruhłaje, z barazionkami-nasiečkami, zvyčajnaha koleru. Piečyva i piečyva.
A jak jano na smak?
Heta byŭ redki vypadak za doŭhuju historyju dehustacyj, kali amal usie teściroŭščyki ježy akazalisia adnadumcami. Voś ich vodhuki.
— Žachlivaje piečyva. Mnie nie padabajecca. Jano sumnaje, ćviordaje. Realna: stamicca možna jaho rassmoktvać. Ale pry hetym vielmi sałodkaje.
— Jano ćviordaje, ale kali jaho jeści z małačkom, to narmalna. Ale ŭvohule jano vielmi ćviordaje. Dyk heta jano pry tym jašče i śviežaje, a što budzie ź niaśviežym? Na pakunku pavinna być rekłama stamatałohii.
— Heta rasčaravańnie hoda, heta piečyva sa smakam «pazaŭčora».
— Jano posnaje, niasmačnaje, dzieci prosta zuby złamajuć. Adnak z kavaju jano narmalnaje.
— Heta piečyva na vypadak jadziernaj vajny. Ja spadziavaŭsia, što jano budzie jak bieze, pavietranaje, — a jano na spravie zvyčajnaje piečyva, tolki ćviordaje. Dy jašče i prysmak taki dziŭny.
— Kali z haładuchi łopać, to narmalna.
— Jano śviežaje i pry hetym takoje ćviordaje. Pryčym spačatku ćviordaje, a potym prylipaje da zuboŭ. Dla dzietak, u jakich niama zuboŭ, čuchać zubki — padydzie, jany ž nie raskusiać, a rassmokčuć. Ale ja nie dzicia, mnie nie padabajecca.
— Dla darosłych, u jakich užo zuboŭ niama, taksama padydzie — rassmoktvać. Hetkaje dyjetyčnaje piečyva atrymlivajecca.
Lemanhras, chamon z kački, chleb ź lisičkami. Top-10 niezvyčajnych praduktaŭ u kramach i na rynkach Minska
U kramy pastupili cukierki, da stvareńnia jakich spryčyniŭsia Mikałaj Łukašenka
Japonski čaj matča (macia): čym jon karysny i jak hatavać
Cukierki ad Mikałaja Łukašenki pa kitajskim recepcie buduć pastaŭlać u škoły: «U adnym pakunačku — šklanka małaka»
U Rahačovie try školnicy źbili 11-hadovaha chłopčyka, ściahnuli ź jaho trusy i imitavali seks7
Kamientary