Wildberries уводзіць плату за фірмовыя пакеты
З 30 кастрычніка беларускім пакупнікам маркетплэйса Wildberries давядзецца плаціць за фірмовыя пакеты ў пунктах выдачы заказаў. Пра гэта кампанія паведаміла кліентам праз персанальную рассылку, піша Office Life.
27.10.2023 / 23:56
Фота ілюстрацыйнае
У дасланым паведамленні гаворыцца, што каштаваць пакеты будуць ад 17 да 51 капейкі. Гэтыя грошы будуць спісвацца з карты, прывязанай да балансу пакупніка.
У кампаніі тлумачаць, што так спрабуюць скараціць выкарыстанне пластыку і «захаваць прыроду». Пакупнікам таксама нагадваюць, што фірмовыя пакеты Wildberries — шматразовыя.
На расійскім рынку фірмовыя пакеты Wildberries сталі для пакупнікоў платнымі ў лютым 2023 года.
Раней паведамлялася, што за восем месяцаў 2023 года продаж тавараў Wildberries у Беларусі вырас на 73% і дасягнуў 748 млн рублёў.
Чытайце таксама:
Тавары для беларусаў на Ozon і Wildberries абклалі двайным падаткам
Wildberries зноў адмяніў плату за вяртанне тавару, але замест гэтага прыдумаў нешта новае
Wildberries запускае продаж электронікі і тэхнікі пад уласнай гандлёвай маркай