Wildberries зноў адмяніў плату за вяртанне тавару, але замест гэтага прыдумаў нешта новае
Папулярны маркетплэйс Wildberries зноў мусіў адмяніць плату за вяртанне тавару, якую спрабаваў, нягледзячы на забарону Міністэрства антыманапольнага рэгулявання і гандлю, увесці ўжо не першы раз. Але зрабіць гэта з 1 верасня можна будзе ў адным-адзіным пункце ва ўсёй Беларусі.
Інфармацыя пра новаўвядзенне з'явілася на сайце Wildberries.
З 1 верасня вярнуць якасны тавар можна бясплатна толькі ў адным пункце па ўсёй Беларусі. У раздзеле «Вяртанне тавару» пазначана, што рабіць гэта будуць па адрасе: Мінск, праспект Пераможцаў, д. 100.
«Прычыны для вяртання тавару належнай якасці: не падышоў памер, фасон, колер, даўжыня і да т. п. Тэрмін вяртання тавару складае 14 дзён з моманту атрымання, калі іншага не было агаворана пры продажы тавару», — гаворыцца ў паведамленні.
Купцам тавару з іншых рэгіёнаў, відаць, у такіх выпадках давядзецца ехаць у сталіцу, часта за сотні кіламетраў.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый4
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1212
Каментары