Затрымалі бодзібілдарку — яна пакідала каментары ў тэлеграм-чатах
Сілавікі сцвярджаюць, што такіх каментароў больш за 700.
14.11.2023 / 13:35
Раіса Шчарбін. Фота: яе старонка ў інстаграме
Затрыманай Раісе Шчарбін 37 гадоў. Яна працуе ў адным са сталічных фітнэс-клубаў. А таксама займаецца бодзіфітнэсам — гэта від бодзібілдынгу, дзе асаблівая ўвага надаецца гарманічнаму развіццю ўсяго цела. Удзельнічае ў конкурсах.
Яе затрымалі за тое, што яна пакідала каментары ў тэлеграм-чатах. Раней яе тэлеграм-акаўнт называўся адной літарай. Нядаўна яна памяняла імя акаўнта на сваё ўласнае імя карыстальніка, а таксама паставіла сваё фота і адкрыла беларускі нумар, на які ён зарэгістраваны.
Невядома, што пагражае жанчыне — губазікаўцы пішуць, што правялі з Раісай «антыэкстрэмісцкую трэніроўку». У канцы відэа сілавікоў дэманструюцца кадры з жаночых калоніяў.
Чытайце таксама:
Па справе ЧКБ затрымалі жыхара Гомеля. Вось як яго знайшлі
Kotatogram: губазікаўцы паказалі, як яны аналізуюць пратэсныя чаты. Вось што варта ведаць