«Тарпеда-БелАЗ» заваявала бронзу, БАТЭ ўпершыню з 2005 года застаўся без медалёў
Каб захаваць шанцы на 3-е месца, 15-разоваму чэмпіёну Беларусі па футболе трэба было перамагаць салігорскі «Шахцёр».
02.12.2023 / 15:54
«Тарпеда-БелАЗ» — бронзавы прызёр чэмпіянату Беларусі па футболе. Фота: football.by
А таксама спадзявацца на асечкі жодзінскага «Тарпеда», у якога перад апошнім турам было на два балы болей, і «Іслачы», што мела роўную колькасць ачкоў з барысаўскім клубам.
І жодзінскае «Тарпеда», і «Іслач» свае матчы прайгралі.
Жодзінцы саступілі чэмпіёну краіны мінскаму «Дынама» — 0:1, а «Іслач» — «Мінску» — 0:2.
Але і БАТЭ прайграў, прычым разгромна. Экс-флагман беларускага футбола пацярпеў у Салігорску паразу ад «Шахцёра» з лікам 0:3.
Такім чынам жодзінскае «Тарпеда» заваявала бронзавыя медалі чэмпіянату, «Іслач» — чацвертая, БАТЭ толькі пяты.
Выніковае становішча: Дынама Мінск — 69, Нёман — 62, Тарпеда-БелАЗ — 49, Іслач — 47, БАТЭ — 47.
БАТЭ ўпершыню з 2005 года застаўся без медалёў.
Клуб выйшаў у вышэйшую лігу ў 1998 годзе і да 2004 года стабільна браў медалі, у тым ліку двойчы станавіўся чэмпіёнам (1999, 2002). У 2005 годзе БАТЭ фінішаваў на пятым месцы, а потым з 2006 па 2018 год выйграваў чэмпіянат Беларусі.
Вышэйшую лігу пакідае «Энергетык-БДУ», «Белшына» згуляе ў стыкавых матчах з «Віцебскам».
Чытайце таксама:
Галкіпер «Гамбурга» забіў смешны мяч у свае вароты ў матчы з «Санкт-Паўлі»
У англійскім Бірмінгеме польскія фанаты далі чаду паліцыі
Паміж В'етнамам і Трынідадам. Зборная Беларусі завяршыла год на 95-м месцы ў рэйтынгу ФІФА
Упершыню ў гісторыі футбольнай Лігі чэмпіёнаў на трэнерскай лаўцы з'явілася жанчына