Упершыню ў гісторыі футбольнай Лігі чэмпіёнаў на трэнерскай лаўцы з'явілася жанчына
У мінулым сезоне берлінскі «Уніён» стаў галоўнай сенсацыяй Бундэслігі. Клуб заняў 4-е месца ў чэмпіянаце і атрымаў права згуляць у Лізе чэмпіёнаў. Але вось увосень 2023 года справы ў клуба не заладзіліся.
«Уніён» на старце Бундэслігі сезона 2023-2024 выйграў два матчы, а потым была серыя з дзевяці паразаў запар і клуб апусціўся на перадапошняе месца ў турнірнай табліцы. У Лізе чэмпіёнаў берлінцы атрымалі чатыры запар паразы (+ параза ў Кубку Нямеччыны).
У сярэдзіне лістапада кіраўніцтва клуба адправіла ў адстаўку галоўнага трэнера Урса Фішэра, які працаваў у камандзе з 2018 года і стаў адным з галоўных творцаў «берлінскага цуда».
Галоўным трэнерам спачатку часова прызначылі Марка Гротэ, а яго асістэнтам Марыю-Луізу Эту. На мінулым тыдні яна стала першай жанчынай-памочнікам трэнера ў гісторыі Бундэслігі, а ўчора, на матчы з партугальскай «Брагай», першай жанчынай у гісторыі Лігі чэмпіёнаў на трэнерскай лаўцы.
Марыі-Луізе 32 гады, яна родам з Дрэздэна.
На моладзевым узроўні большую частку кар'еры дзяўчына правяла ў «Турбіне», выйграўшы з ім Лігу чэмпіёнаў (2010 г.), Бундэслігу (2009, 2010 і 2011 гг.), а яшчэ Кубак Нямеччыны (2009 і 2010 гг). У дарослым футболе Марыя-Луіза выступала за клуб Бундэслігі-2 — брэменскі «Вердэр» — на пазіцыі атакуючага паўабаронцы, пішуць vedomosti.ru.
Калі завяршыла гульнявую кар'еру, то пайшла працаваць у Акадэмію «Вердэр», дапамагаючы трэнерам з відэаразборамі, а потым далучылася да «Уніёна», дзе працавала ў мужчынскай моладзевай камандзе, пазнаёміўшыся з Марка Гротэ.
Марыя-Луіза прайшла навучанне на трэнерскую ліцэнзію Pro. На курсе было звыш за 100 трэнераў, але да фіналу вясной 2023 г. дайшлі толькі 16 чалавек. Сярод шчасліўчыкаў Мары-Луіза была адзінай дзяўчынай.
Эта і Гротэ ўжо паспелі пакіраваць «Уніёнам» на мінулым тыдні ў матчы Бундэслігі супраць «Аўгсбурга». Гульня завяршылася з лікам 1:1, і гэта былі першыя ачкі ў Бундэслізе за тры месяцы.
26 лістапада «Уніён» узначаліў 52-гадовы харват Ненад Беліца. Учора берлінцы ў Лізе чэмпіёнаў згулялі ў гасцях з «Брагай» — 1:1. Яны пакуль займаюць апошняе месца ў групе, але ў апошнім туры берлінскі клуб прыме дома нематываваны «Рэал», што датэрмінова фінішаваў у групе першым.
Перамога над іспанцамі і асечка «Брагі» ў матчы з «Напалі» выведуць «Уніён» у плэй-оф Лігі Еўропы.
У гэту суботу «Уніён» чакае ў Бундэслізе сур'ёзны іспыт. Клуб едзе ў госці да «Баварыі».
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый2
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1212
Каментары