Z 1 lutaha pavialičacca piensii
Łukašenka 29 śniežnia padpisaŭ ukaz «Ab pavyšeńni piensij». Dakumientam praduhledžvajecca pieraraźlik pracoŭnych piensij i ich pavyšeńnie z 1 lutaha 2024 hoda.
29.12.2023 / 19:18
Piensii ŭ Biełarusi vyrastuć u siarednim na 10%. Na ich vypłatu ŭ lutym nastupnaha hoda budzie nakiravana 1,8 młrd rubloŭ, ź jakich 166 młn — dadatkovyja vydatki ŭ suviazi z pavyšeńniem zhodna z ukazam.
Akramia taho, u 2024 hodzie vyraście minimalny paroh strachavoha stažu. Ciapier, kab atrymlivać pracoŭnuju piensiju, treba budzie nazapasić nie mienš za 19 hadoŭ 6 miesiacaŭ strachavoha stažu.
Strachavy staž — heta čas, kali vy pracavali i płacili (samastojna abo najmalnikam) unioski ŭ FSAN. Pry adsutnaści minimalnaha strachavoha stažu vypłačvajecca sacyjalnaja piensija. Jana značna mienšaja.
Akramia taho, z 2024 hoda dla raźliku piensii buduć uličvać zarobak za apošnija 30 hadoŭ pracy (u 2023-m prymalisia pad uvahu 29 hadoŭ).
Čytajcie taksama: