Kančatkova admianili brescki kancert kamandy KVZ «Ujezdnyj horod». Niama cikavaści
U kastryčniku minułaha hoda źjaviłasia infarmacyja, što rasijskaja kamanda KVZ «Ujezdnyj horod», u jakoj vystupajuć komiki Siarhiej Pisarenka i Jaŭhien Nikišyn, źbirałasia ŭ listapadzie pravieści tur pa šaści haradach Biełarusi, ale, jak śćviardžaje arhanizatar, nie pradalisia bilety. Tady havaryłasia, što niekatoryja vystupleńni pieranosiacca na sakavik 2024-ha, ale ciapier, jak vyhladaje, ich admianiajuć uvohule.
15.01.2024 / 16:50
Prynamsi, u Breście źjaviłasia paviedamleńnie, što vystupleńnie kamandy ŭ hetym horadzie admianiajecca, a kuplenyja kvitki možna zdać u kasu fiłarmonii.
«Ujezdnyj horod» — adna z samych viadomych rasijskich kamandaŭ vyšejšaj lihi KVZ. U 2003 hodzie jana była jaje čempijonam.
U 2015-m komiki pierabrałasia va Ukrainu. Artysty Siarhiej Pisarenka i Jaŭhien Nikišyn byli na baku Ukrainy paśla anieksii Rasijaj Kryma i raźviazvańnia vajny na Danbasie, ale heta im nie pieraškadžała vystupać na radzimie. Svaje kancerty jany davali i va Ukrainie.
Pisarenka i Nikišyn stali zaprošanymi artystami humarystyčnaj kancertnaj prahramy «Dyziel-šou». Z 2019-ha jany vystupali tam na pastajannaj asnovie.
Kali pačałasia poŭnamaštabnaja vajna, artysty, pakolki byli va Ukrainie, zapisvali videa ab tym, što adbyvajecca. Paźniej Pisarenka ź siamjoj pierajechaŭ u Estoniju, a adtul — u Rasiju. Jaho kaleha Nikišyn viarnuŭsia ŭ Maskvu.
Z «Dyziel-šou» ich vyklučyli, kali jany vosieńniu 2022 hoda praviali na kruiznym łajniery kancerty dla rasijan. Pra antyvajennuju pazicyju komikaŭ u Rasii nie zabylisia. Pisarenku vyrazali, naprykład, z zabaŭlalnaj prahramy na centralnym telekanale.
Čytajcie taksama:
«A, pacuk! Pacuk!» Jak pracuje novaje treš-šou Marharyty Laŭčuk
Komik Tankovič — pra Mukavozčyka, Hałyhina i pracu ŭ NEXTA
U Kazachstanie pierastali pradavać kvitki na kancerty komikaŭ, jakija źjeździli na Danbas