Prezident Łatvii rezka adkazaŭ Papu na zajavu pra «bieły ściah»
Prezident Łatvii Edhar Rynkievič adreahavaŭ na zajavu Papy Franciška, jaki skazaŭ, što Ukrainie treba mieć «advahu biełaha ściaha» i pajści na pieramovy.
10.03.2024 / 13:23
Edhar Rynkievič. Fota: Bebeto Matthews / AP
U paście ŭ tvitary Rynkievič napisaŭ:
«Nielha kapitulavać pierad abliččam zła, treba zmahacca ź im i pieramahčy jaho, kab zło padniało bieły ściah i kapitulavała».
Napiaredadni Papa Francišak, havoračy ab vajnie, zajaviŭ, što Ukraina pavinna mieć toje, što jon nazvaŭ advahaj «biełaha ściaha» i vieści pieramovy.
Paźniej pradstaŭnik Vatykana vystupiŭ z zajavaj, u jakoj patłumačyŭ hetyja słovy, adznačyŭšy, što «pieramovy nie zjaŭlajucca kapitulacyjaj».
Čytajcie taksama:
Kuleba: Rasija moža pieratvaryć harady Bałtyi ŭ Bachmut i Aŭdziejeŭku
«Voziera NATA». Jak Zachad pieramoh Rasiju ŭ Bałtyjskim mory biez adzinaha strełu