Nie kapitulacyja Ukrainy — u Vatykanie patłumačyli rezanansnuju zajavu Papy nakont vajny
Papa Francišak, havoračy ab vajnie va Ukrainie, vykarystoŭvaŭ frazu «bieły ściah», nie majučy na ŭvazie, što ŭkraincam treba kapitulavać. Słovy pantyfika rastłumačyŭ dyrektar pres-słužby Vatykana Matea Bruni.
Vobraz «biełaha ściaha» ŭ časie hutarki z pantyfikam vykarystaŭ intervjujer, i Papa ŭ adkaz užyŭ prapanavanuju frazu, kab joju paznačyć pieramirje, jakoha možna damahčysia «dziakujučy advazie pieramovaŭ», publikuje Vatican News słovy dyrektara pres-słužby Vatykana Matea Bruni.
Svaimi słovami Papa mieŭ namier prasić pra spynieńnie ahniu i adnaŭleńnie mužnaści pieramovaŭ, pra «stvareńnie ŭmoŭ dla dypłamatyčnaha rašeńnia ŭ pošukach spraviadlivaha i tryvałaha miru».
«U inšym miescy intervju, havoračy ab inšaj kanfliktnaj situacyi, ale majučy na ŭvazie lubuju vajennuju situacyju, Papa dakładna zajaviŭ: «Pieramovy nikoli nie zjaŭlajucca kapitulacyjaj», — padkreśliŭ jon.
Pantyfika ŭ intervju šviejcarskaj teleradyjokampanii spytali, jakuju jon maje pazicyju ŭ debatach pamiž tymi, chto kaža, što Kijeŭ pavinien zdacca, bo nibyta «nie zmoh dać adpor» rasijskim akupantam, i ludźmi, jakija ŭpeŭnieny, što takim čynam ahresiŭnyja dziejańni Rasii buduć uzakonieny. Pry hetym intervjujer vykarystoŭvaŭ frazu «bieły ściah».
Papa adkazaŭ: «Ja liču, što macniejšym budzie toj, chto hladzić na situacyju, dumaje pra ludziej, maje śmiełaść padniać bieły ściah i vieści pieramovy». Jon dadaŭ, što pierahavorny praces pavinien adbycca z dapamohaj inšych krain. Hetaja fraza vyklikała vialiki rezanans.
Jak minimum 14 čałaviek zatrymanyja za palityku ŭ rabočym pasiołku Jalizava2
Kamientary