Va Ukrainie šukajuć baćku i syna, jakija rasstralali palicejskaha
Palicejski paprasiŭ ich pakazać, što ŭ bahažniku.
20.04.2024 / 12:42
Fota ź miesca zdareńnia. Krynica: staronka palicyi Vińnickaj vobłaści Ukrainy ŭ fejsbuku
Jak paviedamlaje palicyja Vińnickaj vobłaści Ukrainy, siońnia kala 2-j hadziny nočy ŭ Hajsinskim rajonie Vińnickaj vobłaści narad palicyi spyniŭ na trasie Suzuki Grand Vitara.
U mašynie znachodzilisia dvoje mužčyn. Miarkujučy pa videa, napadniki pieravozili niešta zabaronienaje ŭ skryniach u bahažniku. Palicejskija paprasili ich adkryć, paśla čaho na ich ździejśnili napad.
Inśpiektar palicyi 20-hadovy Maksim Zarecki pamior ad atrymanych cialesnych paškodžańniaŭ, a jaho naparnik paranieny. Palicyja pakazała fota ź miesca stralaniny.
Palicejski Maksim Zarecki zahinuŭ. Fota: staronka palicyi Vińnickaj vobłaści Ukrainy ŭ fejsbuku
Apieratyŭnikam atrymałasia vyznačyć asobaŭ, jakija majuć dačynieńnie da złačynstva. Heta ŭradžency Piščanskaha rajona Vińnickaj vobłaści baćka (1972 hoda naradžeńnia) i syn (1998 hoda naradžeńnia) Vasiłaki. Apošni, jak paviedamlajecca, prachodzić vajskovuju słužbu.
Baćka i syn Vasiłaki, jakich padazrajuć u zabojstvie palicejskaha. Fota: insiderUKR / Telegram
Šerah ukrainskich telehram-kanałaŭ apublikavali videa ź vierahodnymi padazravanymi. Jany zaśviacilisia na adnoj z AZS pablizu miesca złačynstva. Na kadrach bačna, što kiroŭca byŭ apranuty ŭ vajskovuju formu. Jaho pasažyr apranuty ŭ śpiecadzieńnie čornaha koleru, jakoje nosiać niekatoryja siłavyja struktury.
Kadr vidazapisu kamiery nazirańnia AZS. Fota: insiderUKR / Telegram
Ciapier palicyja sprabuje vyznačyć miescaznachodžańnie i zatrymać padazravanych. Na terytoryi Vińnickaj i Adeskaj abłaściej uviedziena palicejskaja apieracyja.
Vykradzienaha ŭ «DNR» amierykanskaha vajenkara Raseła Bentli zabili
«Vypalim žalezam». Tusk paviedamiŭ, što napad na paplečnika Navalnaha zakazaŭ biełarus
U Oršy baćka ledź nie zadušyŭ dačku, jakaja paprasiła jaho vyklučyć huk na telefonie