Palitźniavolenaja žurnalistka Ksienija Łuckina ŭ kałonii znoŭ pierachvareła na pnieŭmaniju
Pavodle jaje siabroŭki, niadaŭna ŭ Ksienii, jakaja chvareje na astmu, pačałasia mocnaja alerhija na pižamu sukamiernicy z mocnym pacham parfumy.
02.05.2024 / 14:17
Praz heta jana pačała mocna kašlać, zadychacca i nie mahła spać niekalki sutak. Paviedamlajecca, što palitźniavolenaja zachvareła na pnieŭmaniju i jaje na niekatory čas źmiaščali ŭ sančastku, piša «Viasna».
Byłuju žurnalistku Biełteleradyjokampanii asudzili da 8 hadoŭ kałonii. U źniavoleńni ŭ jaje pačalisia mocnyja prablemy sa zdaroŭjem — u jaje raście puchlina ŭ hałaŭnym mozhu. Viadoma, što jana admoviłasia pisać prašeńnie ab pamiłavańni na imia Łukašenki. Doma žurnalistku čakaje niepaŭnahadovy syn.
Padtrymajcie Ksieniju listami i paštoŭkami: PK № 4. 246035, h. Homiel, vuł. Antoškina, 3, Ksienija Alehaŭna Łuckina