Мінкульт просіць вертыкаль максімальна запоўніць залы пры паказе новага прапагандысцкага шэдэўра
Выданне «Флагшток» атрымала копію падпісанага міністрам культуры Анатолем Маркевічам ліста, у якім той просіць Гомельскі аблвыканкам максімальна запоўніць залы гледачамі падчас паказу свежага прапагандысцкага фільма ад «Беларусьфільма» «Час вярнуцца».
03.05.2024 / 18:49
Фільм пад назвай «Час вярнуцца» расказвае пра савецкую наступальную аперацыю на тэрыторыі Беларусі ў часы Другой сусветнай вайны.
З дакумента, які апублікаваў «Флагшток», вынікае, што паказ гэтага фільма будзе весціся як мінімум да 3 ліпеня ва ўсіх кінатэатрах, навучальных установах і санаторыях Гомельскай вобласці. У іншых абласцях, трэба думаць, сітуацыя ідэнтычная.
Мяркуючы па фота з прэм'ернага сеансу у гомельскім кінатэатры «Мір», чыноўнікі да просьбы Анатоля Маркевіча прыслухаліся. Прагляд, дарэчы, не бясплатны: за яго трэба заплаціць ад 3 да 8 рублёў у залежнасці ад месца паказу.
Мінкульт скардзіцца: ніхто не хоча здымаць фільмы пра 2020 год і «гераізм сілавікоў»
На «Беларусьфільме» здымуць кіно пра бацьку Міная. Сцэнар напісаў вядомы расійскі комік