Албанія адмяніла бязвіз для беларускіх чыноўнікаў і дыпламатаў
Урад Албаніі рашэннем ад 15 мая адмяніў бязвізавы ўезд у краіну па беларускіх дыпламатычных і службовых пашпартах.
18.05.2024 / 20:18
Рашэнне албанскага ўрада тычыцца частковага прыпынення дзеяння пагаднення паміж Мінскам і Тыранай аб узаемнай адмене візавага рэжыму. Пагадненне падпісалі ў снежні 2019 года.
«Частковае прыпыненне дзеяння пагаднення для дыпламатычных і службовых пашпартоў. Гэта рашэнне ўступае ў сілу неадкладна і публікуецца ў афіцыйным журнале», — гаворыцца ў тэксце дакумента.
Для расейцаў Албанія скасавала бязвізавы рэжым у красавіку 2023 года.
У якія краіны беларусы могуць адправіцца на адпачынак без візы? Спіс вялікі, але ёсць нюансы