Zavočna buduć sudzić zasnavalnika «Novaha zroku» Aleha Kaŭryhina
Śledčy kamitet raspačaŭ śpiecyjalnuju vytvorčaść u dačynieńni da zasnavalnika miedycynskaha centra «Novy zrok» Aleha Kaŭryhina. Siarod artykułaŭ jość i vyrazna palityčnyja.
23.05.2024 / 16:40
Aleh Kaŭryhin
Kaŭryhinu staviać u vinu raspalvańnie nianaviści (art. 130), uchileńnie ad vypłaty padatkaŭ i zboraŭ (art. 243), uchileńnie ad vykanańnia abaviazkaŭ padatkovaha ahienta ŭ pieraličeńni padatkaŭ i zboraŭ (art. 243-1), uchileńnie ad vypłaty strachavych unioskaŭ (art. 243-3), niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ (art. 295), zakliki da sankcyj (art. 361), sadziejničańnie ekstremisckaj dziejnaści (art. 361-4), dyskredytacyju Biełarusi (art. 369-1) i słužbovy padłoh (art. 427).
Aleh Kaŭryhin — zasnavalnik miedycynskaha centra «Novy zrok», jakoha hod tamu pazbavili miedycynskaj licenzii.
Kaŭryhin znachodzicca za miežami Biełarusi. Jon nazvaŭ abvinavačvańni suprać jaho sprobaj dziaržaŭnaha rekietu i pomstaj za hramadzianskuju pazicyju miedykaŭ «Novaha zroku» ŭ 2020-m.
«Mnie 55 hadoŭ. Ja prajšoŭ 90-ja, ale nikoli nie płaciŭ bandytam. A dla mianie što bandyt, jaki prychodzić sa zbrojaj u rukach patrabavać niečaha, što čynoŭnik z paśviedčańniem — bandyt. U ich tam unutry jość paniaćcie, što ja niedamovazdolny. Ja nie płaču. Hałoŭnaja meta, kab im dali chabar. Niejkuju častku ŭ biudžet, ale hałoŭnaje im», — skazaŭ Kaŭryhin u intervju.
Uładalnik klinik «Novy zrok»: Ja jechaŭ na sud u Biełaruś, ale mianie zatrymaŭ Interpoł