«Ja nikoli nie płaciŭ bandytam». Vialikaje intervju z kiraŭnikom rekvizavanaj sietki klinik «Novy zrok»
Aleh Kaŭryhin raskazaŭ Radyjo Svaboda pra nacyjanalizacyju jahonych centraŭ u Biełarusi, stasunki biznesu i ŭłady i canu «vodkupu» ad kryminalnych spraŭ, a taksama pra zatrymańnie Interpałam.
Jak ułady zabrali kliniki «Novy zrok»
«17 studzienia 2023 hodu bolš za 150 supracoŭnikaŭ siłavych struktur adnačasova ŭvajšli va ŭsie kliniki za piać chvilin da zakryćcia. I šlacham presinhu, šlacham katavańniaŭ, a niekatoryja supracoŭniki byli adpuščanyja z dopytaŭ a 5 hadzinie ranicy (načnyja dopyty ŭ pryncypie zabaronienyja), vycisnuli pakazańni, što nibyta jość niejkija zarobki ŭ kanvercie. I havorka išła ab vielmi niaznačnaj sumie. Im patrebna była niejkaja začepka, kab zajści na pradpryjemstva.
Sytuacyja stała raźvivacca tak, što zablakavali rachunki. Čym płacić za elektraenerhiju? Hetaje blakavańnie źjaŭlajecca całkam niezakonnym dziejańniem: navat kali takoje adbyvajecca, ludziam usio roŭna pavinna vypłačvacca zarabotnaja płata, davacca hrošy na apłatu kamunalnych pasłuh, tamu što lakarnia — heta praces, jaki nielha spynić. Heta nia fabryka, dzie možna nacisnuć vyklučalnik i prosta nie vypuskać pradukcyju».
«Stajała kankretnaja meta, jakaja palahała prosta ŭ adnym: zabrańni aktyvaŭ u zamiežnaj kampanii, jakaja mieła ciesnyja suviazi ź Litoŭskaj Respublikaj, Vialikaj Brytanijaj, usie pastaŭki išli z Zachadu. Šerah supracoŭnikaŭ, jakija pracavali ŭ kampanii, udzielničali ŭ padziejach 2020 hodu».
«Ja sutyknuŭsia z prablemaj, z poŭnaj adsutnaściu mahčymaści akazańnia jurydyčnaj dapamohi. Da našaha jurysta pryjšli siłavyja struktury (ludzi byli ŭ cyvilnym) i kanfiskavali ŭsiu dziełavuju dakumentacyju za apošnija 15 hadoŭ, dziełavuju pierapisku. Paśla hetaha ŭsie advakaty admaŭlalisia z nami pracavać u Biełarusi. Adzinaje vyjście — znajści niejkich likvidataraŭ, ale i tut my sutyknulisia z tym, što i likvidatary nia chočuć pracavać. Jak tolki prychodziła kamanda, ich vyklikali na dopyty i pahražali pazasudovymi raspravami».
Pra zatrymańnie Interpałam
«Mianie pastavili ŭ čyrvony śpis Interpołu, jaki maje na ŭvazie vyšejšuju stupień niebiaśpieki, pryraŭniali da ludajeda. Ja jechaŭ na sud u Biełaruś, byŭ spynieny na kantroli, zatrymany pavodle praceduru, jakaja jość u Interpołu.
Pazbavić ad ordera moža tolki sud. U mianie heta zaniało adzin dzień. Pravioŭ jaho ŭ kampanii palicyjantaŭ, jakija razumieli, što heta ŭsio jak minimum niapraŭda, jak maksymum jany vykazvali mnie spačuvańnie i dapamoha. Moj sud ciahnuŭsia 15 chvilin, potym adpuścili. Ciapier budzie praces, kab źniać hetuju kartku Interpołu».
Pra stasunki biznesu i ŭłady
«Naturalna, ja viedaju biznesoŭcaŭ, jakija mieli suviazi z Łukašenkam. Ja ź imi znajomy jak z pacyjentami. Mahli parazmaŭlać, vypić kavy. Nie sakret, što ŭvieś bujny biznes u Biełarusi idzie pavodle arabskaj madeli. U AAE isnuje centar, jaki adsočvaje biznesy ad adnaho miljona i składaje dakładnyja źviestki. U Biełarusi stvorany infarmacyjna-analityčnyja centry, jakija vykonvajuć, vidać, takija ž funkcyi. Kali biznes prynosić niejkija dyvidendy, prazrysty, na dałoni, to dla ich ź im možna rabić usio što zaŭhodna. Atrymać raźvićcio i skoknuć napierad mahčyma tolki prymianiajučy technalohii i znosiny ź dziaržaŭnymi strukturami. Jarki prykład — kampanija «Tabakierka». U mianie lohkaje pačućcio hidlivaści da takoha biznesu, nie liču jaho sumlennym. Heta prosta karupcyja, kradziež, łabizm. U nas byŭ absalutna prosty, čysty biznes: čałaviek moh vybrać — pajści atrymać pasłuhu ŭ dziaržaŭnaj lakarni ci ŭ pryvatnaj».
«U mianie niama nijakich palityčnych patrabavańniaŭ. Ja buduju lakarni. Bolš za toje, navat voś zaraz hetaja palityčnaja sprava nie padšturchnie mianie zajmacca palitykaj. Ja prosta raskazvaju, što mohuć zrabić sa zvyčajnym čałaviekam dziela hrošaj».
«Nia baču centralizavanaj ułady, adnaho čałavieka, jaki moža achapić usio. Ja dumaju, što pad hetaj padliŭkaj nanosicca vielizarnaja škoda krainie, ludziam, prosta nabivajucca kišeni tym čynoŭnikam, jakija ŭ hetym udzielničajuć».
«Halina mikrachirurhii prosta razburanaja. I kali b jany skazali, što «zrazumieli svaju pamyłku, akažam vam dapamohu» i kali b u mianie źjaviłasia žadańnie, dyk navat specyjalist dobraha ŭzroŭniu budzie adnaŭlać heta piać hadoŭ. Ale vy majecie racyju ŭ tym, što niastača hrošaj prymušaje kidacca ŭ niejkich niezrazumiełych ruchach i ad hetaha atrymlivać jašče bolšyja prablemy».
«Raskazvali historyju, što ŭ rajonie byŭ zavod, jaki abvinavacili ŭ niejkaj drobiazi, ale jon davaŭ 40 pracentaŭ padatkaŭ u biudžet. Heta začapiła jurysta, jaki zajmaŭsia hetaj spravaj, jon pryjšoŭ na pryjom da ministra ekanomiki, pačaŭ kazać, što, kali zakryjecie hety zavod, nia zmohuć utrymlivać hety rajon, bo ŭsio zaležyć ad padatkaŭ, jakija płacić hety čałaviek. Niama takoha paniaćcia «dziaržaŭnyja hrošy», heta padatki, jakija płaciać ludzi, narodnyja hrošy. Skončyłasia ŭsio tym u kabinecie, što jon (ministar ekanomiki. — Red.) skazaŭ: «Mnie ŭsio roŭna». A vyjście znajšli ŭ tym, što dałučyli hety rajon da inšaha. Naviesili padatkovuju nahruzku na inšy rajon. Što ž heta takoje?»
Čamu vyrašyŭ nie płacić «vodkup» uładam
«Sumy na vodkup byli vializnyja. Za toje, kab prosta vyjści, — 30 miljonaŭ dalaraŭ, plus štrafu 20 miljonaŭ dalaraŭ. Heta ź pieršych vusnaŭ čałavieka, ź jakim ja razmaŭlaŭ. Jon, na žal, pamior, ale jon byŭ maim siabram.
Mnie 55 hadoŭ. Ja prajšoŭ 90-ja, ale nikoli nie płaciŭ bandytam. A dla mianie što bandyt, jaki prychodzić sa zbrojaj u rukach patrabavać niečaha, što čynoŭnik z paśviedčańniem bandyt. U ich tam unutry jość paniaćcie, što ja niedamovazdolny. Ja nie płaču. Hałoŭnaja meta, kab im dali chabar. Niejkuju častku ŭ biudžet, ale hałoŭnaje im. Zachavać častku biznesu tam — heta dla mianie toje samaje, jak pradać častku sumleńnia».
Što rabić biznesoŭcam u Biełarusi
«Vielmi roznyja sytuacyi. Ja b z zadavalnieńniem parekamendavaŭ investaram zharnuć biznes i pajści ź Biełarusi. Ale specyjalizavany budynak i sacyjalnaja adkaznaść pierad pacyjentami prymušała nas pracavać. My bačyli, što moža być taki zychod, my čakali, što tak mohuć zrabić».
«Toj, chto pracavaŭ u Biełarusi, zmoža spakojna, uziaŭšy siabie ŭ ruki, pracavać u luboj inšaj krainie. Ja b rekamendavaŭ mianiać lakacyju».
«Kali kardynalna nielha źmianić svajo žyćcio ŭ krainie, to treba padumać ab adychodnych šlachach. Ja nie vypadkova vyjechaŭ ź Biełarusi (heta nia pieršy pieraśled Aleha Kaŭryhina z boku biełaruskich uładaŭ, jašče raniej jaho abvinavačvali ŭ kantrabandzie abstalavańnia, adnak u 2016 hodzie kryminalnuju spravu suprać jaho zakryli. — Red). Lepš heta rabić zahadzia, a nie tady, kali za ciabie ŭzialisia. Ja liču, što kali čałaviek nie zapeckaŭsia z uładami ahulnaj spravaj, to biznes u emihracyi možna vieści».
Ci budzie padavać u mižnarodny sud suprać Biełarusi
«Dumaju, što budziem heta rabić ad investaraŭ. Ale my ciapier u vielmi dziŭnaj sytuacyi: niama nijakaj suviazi z tym, što adbyvajecca z pradpryjemstvami. Uziali na pracu dyrektara, kab jon kiravaŭ, — praz try hadziny jaho zabrali prosta z pracy i pavieźli na dopyt. Nijakaha kiravańnia niama, jany ŭsich zapałochali».
«Kali my atrymajem na ruki fakty faktyčnaha kradziažu ŭłasnaści, dakumenty, naturalna, budzie kansultacyja ź jurydyčnymi kampanijami, jakija prymuć miery dla taho, kab kampensavać hetuju škodu. Kali budzie pryznana, što dziaržava Respublika Biełaruś dapuściła paturańnie svaim orhanam, budzie spahaniacca škoda z ułasnaści krainy pa ŭsim śviecie. Pieršyja kansultacyi havorać ab tym, što šancy na pośpiech vielmi vialikija».
Uładalnik klinik «Novy zrok»: Ja jechaŭ na sud u Biełaruś, ale mianie zatrymaŭ Interpoł
«Ja nie jahnia i ich nie bajusia» — uładalnik klinik «Novy zrok» Aleh Kaŭryhin daŭ vialikaje intervju
«Tyja ludzi, jakija prymajuć rašeńni, sami na sabie heta adčujuć». Zasnavalnik «Novaha zroku» prakamientavaŭ pazbaŭleńnie licenzii
«Kali b Kaŭryhin uziaŭ sabie ŭ mieniedžary adstaŭnoha hienierała, to abyšłosia b». Biznesoŭcy prakamientavali zakryćcio «Novaha zroku»
Što ŭjaŭlaje saboj impieryja «Novy zrok» i ŭ jakoj schiemie ich abvinavaciŭ DFR
Kamientary