Na jakoj mašynie jeździć mitrapalit Iosif Stanieŭski
Archijepiskap parazvažaŭ pra aŭto ŭ śviataroŭ i imknieńnie da bahaćcia.
28.05.2024 / 12:17
Mitrapalit Iosif Stanieŭski. Skryn videa BelarusOneTV / YouTube
U novym vypusku prahramy «100 pytańniaŭ darosłamu» na BT archijepiskap, mitrapalit Minska-Mahiloŭski Iosif Stanieŭski patłumačyŭ, jak abiraŭ mašynu. Jamu daktary rekamiendavali jeździć z vypraŭlenaj śpinaj. Tamu jon abraŭ krasovier, u jaki «lahčej zachodzić i vychodzić».
Stanieŭski jeździć na Geely Atlas Pro biełaha koleru, abjomam ruchavika 1,5 litra.
U Stanieŭskaha taksama spytalisia, ci ličyć jon normaj, kali śviatar jeździć na darahoj mašynie.
«Treba hladzieć, jaki prychod ci abaviazki, jakija darohi ŭ prychodzie. U haradskim — adnyja, na vioscy — inšyja. Tamu treba padbirać mašynu, jakaja budzie słužyć nam»,
— adkazaŭ mitrapalit.
Jon adznačyŭ, što niekatoryja śviatary jeździać na busikach, dla taho, kab pa darozie na słužbu ŭ kaściole zabrać prychadžan. «Heta vydatna. Ale niekamu moža padacca: navošta jamu bus? A jon dla ludziej».
Stanieŭski parazvažaŭ pra imknieńnie da bahaćcia.
«Što značyć słova «bahaty»? Kali pierafrazavać — «u Boha ty». Možna być bahatym, kali heta bahaćcie zarabiŭ svajoj fizičnaj ci razumovaj pracaj. Za heta čałaviek moža mieć uznaharodu».
Śviatar akcentavaŭ uvahu na tym, što bahaty nie toj, chto maje, a toj, chto dzielicca. «A kab dapamahčy, treba być bahatym».
U Biełarusi pamianiaŭsia staršynia Kanfierencyi katalickich biskupaŭ