U Brasłavie mužčyna sprabavaŭ vyroščvać kanopli ŭ zaraśnikach barščeŭnika
U Brasłaŭskim rajonie ŭ zaraśnikach atrutnaha barščeŭnika vyjavili ŭčastak, na jakim vyroščvalisia narkaźmiaščalnyja kanopli, paviedamili va ŭpraŭleńni Dziaržkamiteta sudovych ekśpiertyz pa Viciebskaj vobłaści.
01.07.2024 / 20:35
Spačatku supracoŭniki rajadździeła pa nadzvyčajnych situacyjach, jakija trucili barščeŭnik niedaloka ad Brasłava, vyjavili ŭ atrutnych zaraśnikach raspracavany pad pasadku ŭčastak. Pobač ź im stajali 12 kašpo z rasadaj raśliny, hrunt i pasadkavyja kruhi.
Na miesca vyklikali śledčych i sudovych ekśpiertaŭ, jakija pa śladach ruk vyličyli «raślinavoda». Im akazaŭsia 35-hadovy žychar Brasłava, jaki płanavaŭ vyraścić zabaronienuju narkaźmiaščalnuju kulturu, schavaŭšy jaje ŭ schavanym i niebiaśpiečnym dla naviedvańniaŭ miescy.
Ekśpiertyza paćvierdziła taksama, što kanfiskavanaja raślina adnosicca da narkaźmiaščalnych raślin rodu kanoplaŭ, jakija mohuć być vykarystanyja dla vyrabu niebiaśpiečnych narkotykaŭ. Ciapier mužčynu buduć sudzić.
U Minsku braty-bliźniuki kidali pić niezvyčajnym sposabam: kuryli marychuanu
Biełarus vioz ź Litvy niezvyčajnuju harbatu i zaraz moža sieści na siem hadoŭ
Kanopli: składanaja historyja staŭleńnia dziaržaŭ da ich