У Гомелі дэпутат правёў прыём грамадзян, на які ніхто не прыйшоў
Нядаўна прызначаны дэпутатам Палаты прадстаўнікоў Руслан Вягера днямі правёў прыём грамадзян у Гомельскім райвыканкаме. Ён чакаў там людзей асабіста, працавала таксама «прамая тэлефонная лінія». Але ў выніку гадзіны былі праведзеныя ў пустым чаканні.
04.07.2024 / 19:16
Руслан Вягера ў чаканні «разнашэрсных» пытанняў
Мясцовая раёнка, каментуючы вынікі мерапрыемства, робіць наступную выснову:
«Напэўна, да гэтага была праведзеная добрая праца з насельніцтвам, і на гэты момант пытанняў няма».
Сам жа дэпутат лічыць:
«Каб не паўтараць памылкі мінулых гадоў, важна мець зносіны з насельніцтвам. Часам гэта складана: людзі бываюць замкнёныя, пытанні паступаюць разнашэрсныя. Але гэта наша праца — разумець патрэбы чалавека. Пры гэтым важна не толькі слухаць, але і дзейнічаць».
Гайдукевіч учора з'ездзіў на адпачынак, а сёння давялося апраўдвацца перад калегамі
Дэпутатка Палаты прадстаўнікоў лічыць, што актыўнасць у сацсетках сведчыць пра дэградацыю асобы