Грамадства1515

Дэпутатка Палаты прадстаўнікоў лічыць, што актыўнасць у сацсетках сведчыць пра дэградацыю асобы

Нядаўна перапрызначаная ў Палату прадстаўнікоў дэпутатка Ірына Даўгала ў інтэрв'ю газеце «Звязда» абурылася тым, што «мы аддаём сваё жыццё не проста на публіку, але і на публічны кантроль», і ў той жа час «перасталі ствараць сямейныя фотаальбомы».

Ірына Даўгала. Фота: БелТА

57-гадовая дэпутатка, у біяграфіі якой быў перыяд, калі яна была адказнай за ідэалогію ўсёй Гомельскай вобласці, абураецца:

«Чалавек сёння прачынаецца і перш за ўсё мацае каля падушкі смартфон, з якім некалькі гадзін таму засынаў. Дзякуючы сацыяльным сеткам пра кожнага з нас усё вядома: дзе гуляем, што ямо, з кім сустракаемся, што купляем, чым цікавімся…

Я наогул лічу, што, калі чалавек выкладае сваё асабістае жыццё, да дробязяў, на ўсеагульны агляд, гэта сведчыць аб пэўнай дэградацыі асобы».

Пры гэтай нагодзе Ірына Даўгала расказала гісторыю пра тое, як паспрачалася з маладой знаёмай наконт сацыяльных сетак, а дзяўчына адказала ёй, што мае права публікаваць на сваіх старонках што захоча.

«Пішыце, але калі ваша старонка даступная ўсім, то гэта ўжо публічнае выказванне. І ці варта выстаўляць на ўсеагульны агляд тое, што павінна заставацца ўнутры міжасобасных адносін, сям'і, дома? Усе свае перажыванні? Мы аддаём сваё жыццё не проста на публіку, але і на публічны кантроль, абмеркаванне і асуджэнне. У выніку ў нас для саміх сябе нічога не застаецца», — сцвярджае дэпутатка.

Акрамя таго, яна лічыць, што сучасныя тэхналогіі «вымываюць сямейныя каштоўнасці», і абвінаваціла Instagram у тым, што беларусы «перасталі ствараць сямейныя фотаальбомы».

Ураджэнка Крычава Ірына Даўгала зрабіла карʼеру ў Гомелі па камсамольскай лініі, затым працавала ў камісіях па справах непаўналетніх, а таксама кіраўніцай абласнога аддзела ідэалогіі. У 2019 годзе яе прызначылі ў Палату прадстаўнікоў, а ў 2024-м палічылі годнай перапрызначэння. Цяпер жанчына — намесніца старшыні пастаяннай камісіі ПП НС па правах чалавека, нацыянальных адносінах і сродках масавай інфармацыі.

Каментары15

  • .
    13.06.2024
    Надо же, депутат палатки, да еще и идеолог в прошлом, извлек изо рта что-то разумное. Надо запомнить этот момент.
  • Язэп
    13.06.2024
    Сяброўства ў палатцы у часы крывавай таталітарнай дыктатуры старэючага саўковага маразматыка, які са сваімі карнікамі катуе і забівае беларусаў, украінцаў і палякаў - вось гэта сапраўдная прыкмета дэградацыі.
  • ддаведка
    13.06.2024
    Полностью с нею согласен... Именно таких гиперактивных в социальных сетях понабрали в этот созыв палатки.

Лукашэнка прыгразіў Расіі вайной у выпадку далучэння Беларусі43

Лукашэнка прыгразіў Расіі вайной у выпадку далучэння Беларусі

Усе навіны →
Усе навіны

Беларус прадае 23-гадовую BMW «пяцёрку» за 27 500 даляраў і не гатовы таргавацца, бо з грашыма ў яго ўсё ў парадку10

У мінскім гатэлі прыдумалі, як уратаваць людзей ад падзення з лесвіцы5

Масква з дапамогай агента-амерыканца стварыла ў ЗША сетку рэгіянальных псеўдаСМІ18

ЦВК патлумачыў, чаму 23 лютага не абралі днём выбараў5

На вуліцы Мазурава ў сталіцы ўтварылася возера — прарвала трубу3

«Параілі да снежня здаць ЦТ у Беларусі, інакш адлічаць». Беларусы, якія паступілі ў польскія ВНУ, не могуць вучыцца11

«Па ўсё гэта трэба ехаць у Менск». На што скардзяцца жыхары спадарожнікаў сталіцы, якія зноў узяўся развіваць Лукашэнка

У дзень 20-й гадавіны шлюбу Святлана Ціханоўская згадала асабістае і паказала сямейныя фота з Сяргеем26

У Браславе за «экстрэмізм» судзілі кіраўніка мясцовых паляўнічых і яшчэ трох чалавек

больш чытаных навін
больш лайканых навін

Лукашэнка прыгразіў Расіі вайной у выпадку далучэння Беларусі43

Лукашэнка прыгразіў Расіі вайной у выпадку далучэння Беларусі

Галоўнае
Усе навіны →