Упершыню ў гісторыі міністрам фінансаў Вялікабрытаніі стала жанчына
Рэйчэл Рыўз прызначаная міністаркай фінансаў Вялікабрытаніі ў новым урадзе лейбарыстаў. Рыўз стала першай жанчынай у гісторыі на гэтай пасадзе, якая афіцыйна носіць назву канцлера казначэйства. Гэтая пасада ў брытанскай дзяржаўнай сістэме існуе 708 гадоў.
05.07.2024 / 19:19
Рэйчэл Рыўз. Фота: Thomas Krych / AP
Рэйчэл Рыўз 45 гадоў, яна скончыла Оксфард і Лонданскую школу эканомікі. Працавала ў Банку Англіі, а таксама ў камерцыйным банку.
У 2010 годзе Рыўз упершыню абралася ў Палату абшчын, з 2021 года была ценявой міністаркай фінансаў.
Лейбарысты атрымалі разгромную перамогу на датэрміновых парламенцкіх выбарах, якія прайшлі напярэдадні, заваяваўшы 412 месцаў з 650. Кансерватары, якія знаходзіліся ва ўрадзе 14 гадоў, здабылі ўсяго 121 месца — гэта найгоршы вынік партыі ў гісторыі.
Новы ўрад Вялікабрытаніі сфармаваў 61-гадовы лідар лейбарыстаў Кір Стармер.
У Брытаніі мяняецца ўлада ўпершыню за 14 гадоў. Чым абярнуцца выбары для Украіны і Еўропы?
Рышы Сунак афіцыйна падаў у адстаўку і вызваліў Даўнінг-стрыт
Лейбарысты ўпэўнена перамагаюць на выбарах у Брытаніі