«Вялікабрытанія — найлепшая краіна ў свеце», — сказаў Рышы Сунак, пакідаючы сёння сваю рэзідэнцыю на Даўнінг-стрыт.
Сунак, які займаў пасаду прэм'ера з кастрычніка 2022 года пасля 50 дзён прэм'ерства Ліз Трас, дадаў, што стаў прэм'ер-міністрам праз два пакаленні пасля прыезду ў Вялікабрытанію яго бабулі і дзядулі, піша Бі-бі-сі.
Сунак падзякаваў сваім калегам і сям'і: жонцы і дочкам. Ён адзначыў, што ніколі не зможа выказаць ім усёй сваёй падзякі за тыя ахвяры, на якія яны пайшлі, каб дазволіць яму служыць краіне.
У ходзе пазачарговых выбараў, што прайшлі ў чацвер, Лейбарысцкая партыя атрымала ўпэўненую перамогу. Падлік галасоў завершаны яшчэ не ва ўсіх выбарчых акругах, але лейбарысты ўжо афіцыйна атрымалі ў 412 з 650 месцаў у Палаце грамадаў.
Лідар партыі Кір Стармер стане прэм'ерам. Апошні раз лейбарысты былі ва ўладзе 14 гадоў таму (урад Гордана Браўна). Кансерватары зараз атрымаюць, напэўна, 119 месцаў — гэта вельмі нізкі вынік у гісторыі.
У кароткай прамове пасля абвяшчэння вынікаў Стармер, у прыватнасці, сказаў: «Перамены пачынаюцца проста тут, таму што гэта ваша дэмакратыя, ваша супольнасць, ваша будучыня. Вы прагаласавалі. Цяпер прыйшоў час нам выконваць абяцанні».
Раней Сунак павіншаваў Стармера з перамогай. «Сёння перадача ўлады з рук у рукі пройдзе ў мірнай манеры, з добрай воляй з усіх бакоў. Гэта павінна даць нам усім упэўненасць у стабільнасці і будучыні нашай краіны. Брытанскі народ сёння вынес вердыкт, шмат чаму трэба навучыцца … і я бяру на сябе адказнасць за паразу», — сказаў Сунак.
Сімвалічна, што Лейбарысцкая партыя ўпершыню прыйшла да ўлады 100 гадоў таму, у 1924 годзе.
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі6
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары