Viasnoju Cierciel zajaviŭ, što va ŭkrainskich balnicach terarysty chavajucca za śpinami dziaciej. Učora rasijanie ŭdaryli pa «Achmatdziet»
U krasaviku na pasiadžeńni Usiebiełaruskaha narodnaha schodu kiraŭnik KDB Ivan Cierciel zajaviŭ, što va ŭkrainskich miedustanovach «chavajucca terarysty». Učora ad rasijskich rakietnych udaraŭ paciarpieli try kijeŭskija miedustanovy, u tym liku najbujniejšaja dziciačaja balnica.
09.07.2024 / 08:47
U krasaviku zajava Ivana Cierciela narabiła šmat šumu. Jon abiacaŭ supraćdziejničać mifičnym terarystam z Ukrainy, i ŭ chodzie hetaha prahučała pahroza ŭ dačynieńni da balnic Kijeva.
«Usie hetyja ludzi i ich płany nam viadomyja. U baraćbie z teraryzmam dziejničajem pa zakonach vajennaha času. Siarod terarystaŭ jość zabityja i paranienyja, ich napatkaje pakarańnie, niahledziačy na toje, što svaim łohavam jany abrali kijeŭskija balnicy pa adrasie Bahatyrskaja 30, 32, dzie schavalisia za śpiny chvorych dziaciej», — zajaviŭ staršynia KDB Biełarusi.
Ułady ŭ Kijevie tady z-za vykazvańnia Cierciela praviali terminovuju evakuacyju dźviuch balnic na vulicy Bahatyrskaj u Abałonskim rajonie ŭkrainskaj stalicy. Adna ź ich była dziciačaja.
«Heta absalutnaja chłuśnia i pravakacyja voraha, jakuju jon sprabuje vykarystać dla ŭdaru pa sacyjalnaj infrastruktury stalicy», — zajavili tady ŭ Kijeŭskaj administracyi.
8 lipienia rasijanie nanieśli rakietny ŭdar pa Ukrainie, užo pa inšych balnicach. U Kijevie rakiety patrapili pa balnicy «Achmatdziet»», pryvatnaj klinicy Adonis, pryvatnaj radzilni «Isida». U «Achmatdziet» zahinuli dvoje darosłych (adna ź ich doktarka), u Adonis paviedamili pra piać zahinułych miedykaŭ i dvuch pacyjentaŭ.
Udar pa dziciačaj balnicy ŭ Kijevie byŭ naniesieny rasijskaj rakietaj. Voś jakija dokazy
Paplečnik Bierłuskoni nazvaŭ rasijski ŭdar pa Kijevie vajennym złačynstvam
Minabarony Rasii prakamientavała siońniašnija ŭdary pa Ukrainie
Rasija ŭdaryła pa najbujniejšaj dziciačaj balnicy Kijeva