Paplečnik Bierłuskoni nazvaŭ rasijski ŭdar pa Kijevie vajennym złačynstvam
Ministr zamiežnych spraŭ Italii Antonia Tajani, palityčny paplečnik pamierłaha siabra Pucina Silvia Bierłuskoni, nazvaŭ rasijski rakietny ŭdar pa Kijevie i traplańnie pa dziciačaj balnicy vajennym złačynstvam, piša Bi-bi-si.
«Ja šakavany karcinami bambardziroŭki Kijeva, u tym liku traplańnia pa dziciačaj balnicy. [Heta] vajennyja złačynstvy, jakija pavinny być asudžanyja ŭsioj mižnarodnaj supolnaściu. Naš urad praciahnie abaraniać suvierenitet Ukrainy i jaje narod», — napisaŭ Tajani ŭ sietcy X.
Antonia Tajani šmat hadoŭ byŭ členam kiraŭnictva partyi «Napierad, Italija!», stvoranaj miljarderam i šmathadovym premjer-ministram Silvia Bierłuskoni. Paśla śmierci Bierłuskoni minułym letam jon uznačaliŭ partyju.
U vyniku rasijskaha rakietnaha ŭdaru ranicaj paniadziełka ŭ Kijevie, pavodle apošnich źviestak, zahinuli 27 čałaviek, u tym liku dva čałavieki — u najbujniejšaj dziciačaj lakarni krainy «Achmatdzit». U balnicy byli paranienyja siamiora dziaciej-pacyjentaŭ; u inšych miescach Kijeva zahinuli try dziciaci.
Ukraincaŭ skaryła VIDEA, jak vieteran na pratezie raźbiraje zavały dziciačaj kliniki ŭ Kijevie. Akazałasia, heta biełarus
Źjaviłasia videa z momantam udaru rasijskaj rakiety Ch-101 pa dziciačaj balnicy «Achmatdzit»
Minabarony Rasii prakamientavała siońniašnija ŭdary pa Ukrainie
Rasija ŭdaryła pa najbujniejšaj dziciačaj balnicy Kijeva
Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak9
Kamientary