Паліну Шарэнду-Панасюк этапавалі на псіхіятрычную экспертызу цягам дзевяці дзён
Палітзняволеную Паліну Шарэнду-Панасюк даставілі на чарговую псіхіятрычную экспертызу ў РНПЦ псіхічнага здароўя ў Мінску, паведаміў яе муж Андрэй Шарэнда на сваёй старонцы ў фэйсбуку.
11.07.2024 / 20:32
Паліна Шарэнда-Панасюк. Фота: Радыё Свабода
Паводле слоў Андрэя Шарэнды, этапаванне Паліны з гомельскага СІЗА №3 у Мінск заняло ажно дзевяць дзён.
«Чарговы пякельны этап», — адзначыў Шарэнда.
У Цэнтры судовых псіхолага-псіхіятрычных экспертыз у Навінках жанчына мае прабыць некалькі тыдняў.
Для палітзняволенай гэта будзе чацвёртая такая экспертыза з моманту затрымання. Спачатку яе адправілі туды перад першым судом у 2021 годзе, другі раз — пасля спробы Паліны адмовіцца ад беларускага грамадзянства. Яшчэ адна такая экспертыза праводзілася проста ў следчым ізалятары.
Нагадаем, палітзняволеная мусіла выйсці на волю 21 мая, але за два дні да гэтага яе этапавалі ў СІЗА ў межах новай крымінальнай справы паводле арт. 411 КК (злоснае непадпарадкаванне адміністрацыі калоніі).
Паліне Шарэндзе-Панасюк прызначылі чарговую псіхолага-псіхіятрычную экспертызу
Палітзняволеная Паліна Шарэнда-Панасюк правяла 70 дзён у ШІЗА з пачатку года
«Псіхалагічны стан вельмі складаны». З'явіліся навіны пра палітзняволеную Шарэнду-Панасюк
На Паліну Шарэнду-Панасюк зноў завялі крымінальную справу за непадпарадкаванні адміністрацыі
Паліна Шарэнда-Панасюк не выйшла на свабоду. Яна знайшлася ў Гомельскім СІЗА
Праз дзень пасля заявы камітэта ААН пра Паліну Шарэнду-Панасюк на БТ паказалі палітзняволеную