Праз дзень пасля заявы камітэта ААН пра Паліну Шарэнду-Панасюк на БТ паказалі палітзняволеную
Жанчыне стартава прысудзілі два гады зняволення, але двойчы дадавалі тэрмін за «непадпарадкаванне» адміністрацыі калоніі.
Сюжэт на БТ з'явіўся праз дзень пасля таго, як на сесіі Савета па правах чалавека ААН прадставілі даклад Вярхоўнага камісара ААН па правах чалавека аб сітуацыі з рэпрэсіямі ў Беларусі пасля выбараў. Днямі таксама Камітэт ААН па ліквідацыі дыскрымінацыі ў адносінах жанчын заклікаў Беларусь тэрмінова прыняць часовыя меры для абароны палітзняволенай Паліны Шарэнды-Панасюк. Гэта першы падобны выпадак па справах супраць Беларусі.
Прапагандыстка БТ Анастасія Бенедзісюк прыехала да Шарэнды-Панасюк у рэчыцкую калонію. Туды палітзняволеную адправілі па артыкуле 411 — «злоснае парушэнне патрабаванняў адміністрацыі».
На адзенні Паліны — жоўтая бірка, якую даюць усім, хто асуджаны па пратэсных артыкулах.
У сакавіку 2024 года муж Паліны Андрэй распавёў карэспандэнту «Медыязоны» пра ціск на Паліну: «Паліна прабыла ў атрадзе пасля каранціну прыкладна 2-3 тыдні. У канцы студзеня-пачатку лютага яе кінулі ў ШІЗА. У атрадзе яна з'явілася толькі ў самым канцы лютага, выглядала вельмі бледнай і схуднелай. Увесь гэты час Паліна была ў ШІЗА, верагодна 20 сутак. У пачатку сакавіка Паліна зноў знікла з атрада, але куды дакладна — невядома».
Паліна Шарэнда-Панасюк — актывістка з Брэста. У чэрвені 2021 года ёй прысудзілі два гады па артыкулах 364, 368, 369 КК (пагроза гвалту прадстаўніку сілавых органаў, абраза прадстаўніка ўлады і абраза Лукашэнкі). За кратамі на яе аказваўся ціск. У красавіку 2022-га ёй дадалі год зняволення па артыкуле 411. Чарговы год дадалі па тым жа артыкуле ў кастрычніку 2023 года.
Тэрмін зняволення Шарэнды-Панасюк сканчаецца ў кастрычніку 2024.
Яе муж з дзецьмі выехалі за мяжу.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску22
Каментары
Владимировна.
* Дата и место
рождения:
31.10.1992
Ошмяны, Беларусь
Должность:
Начальник отдела репортеров Агентства телевизионных новостей Национального государственного телеканала "Беларусь 1 ТВ".
Основания для наложения
санкций
Исполнительное решение Совета (ОВПБ) 2023/1592 от 3 августа 2023 г. во исполнение Решения 2012/642/ОВПБ.
Подробности по ссылке:
https://sanctions.nazk.gov.ua/ru/sanction-person/27299/