Bajden nie ŭbačyŭ sensu ŭ dazvole Ukrainie bić pa Kramli
ZŠA dazvolili Ukrainie nanosić udary pa rasijskaj terytoryi na małuju dystancyju, ale ŭ dalejšym źniaćci abmiežavańniaŭ niama patreby, zajaviŭ prezident Džo Bajden na pres-kanfierencyi pa vynikach samitu NATA.
12.07.2024 / 07:11
Džo Bajden. Fota: Evan Vucci / AP
«Kali b jon (Uładzimir Zialenski) moh udaryć pa Maskvie, udaryć pa Kramli, byŭ by ŭ hetym sens? Nie było b. Pytańnie ŭ tym, jakoje lepšaje prymianieńnie dla zbroi, jakoje ŭ jaho jość, jakoje my jamu dali», — skazaŭ Bajden.
ZŠA ŭ kancy maja dazvolili Ukrainie vykarystoŭvać atrymanaje amierykanskaje ŭzbrajeńnie suprać celaŭ na terytoryi Rasii na fonie prasoŭvańnia rasijskich vojskaŭ u Charkaŭskaj vobłaści. Udary možna nanosić nie dalej za 100 km ad miažy, tamu dazvoł nie raspaŭsiudžvajecca na klučavyja rasijskija aeradromy.
U Dziarždepartamiencie adznačali, što dazvolać USU bić dalej — kali Rasija «pasprabuje pašyryć hety front», nahadvaje RBK.
Bajden nazvaŭ siabie najbolš kvalifikavanym supiernikam Trampa, jon nie źbirajecca pakidać honku
Bajden: Ukraina moža spynić i jana spynić Pucina