Ukrainskija ambicyi mieć F-16 raźbivajucca ab moŭny barjer, uźlotna-pasadačnyja pałosy i zapčastki — Bloomberg
Hetym letam Kijeŭ narešcie atrymaje źniščalniki F-16, ale ŭ značna mienšaj kolkaści, čym čakałasia. Šerah surjoznych prablem prymušajuć usumnicca ŭ metazhodnaści ich adpraŭki.
15.07.2024 / 11:46
Fota: AP Photo/Tsafrir Abayov
Jak piša Bloomberg, adpraŭka vajennych samalotaŭ była adnym z asnoŭnych punktaŭ paradku dnia samitu NATA ŭ Vašynhtonie. Na zapusk pracesu spatrebiłasia bolš za hod. Prezident ZŠA Džo Bajden dazvoliŭ adpraŭku F-16 va Ukrainu ŭ mai 2023 hoda.
Nieŭzabavie paśla hetaha pačałosia navučańnie ŭkrainskich piłotaŭ. Ale administracyja ZŠA doŭha ciahnuła ź pieradačaj samalotaŭ. Asnoŭnaj pryčynaj źjaŭlaŭsia strach, što heta spravakuje Uładzimira Pucina.
Apošnija padziei źmianili myśleńnie zachodnich lidaraŭ. «Kontrnastupleńnie Rasii ŭ apošni čas prymusiła niekatorych sajuźnikaŭ zadumacca ab tym, što im daviadziecca adkazvać na zapyty Ukrainy», — cytuje vydańnie staršaha vykładčyka Łankasterskaha ŭniviersiteta Simonu Saare (Simona Soare).
Nienazvany vysokapastaŭleny čynoŭnik NATA pieraličyŭ vydańniu try asnoŭnyja pytańni, jakija chvalujuć tych, chto zajmajecca płanavańniem pastavak.
Pa-pieršaje, samaloty pavinny być pierakanfihuravanyja ŭ zaležnaści ad zadačy, naprykład, raźviedka abo boj.
Pa-druhoje, Ukraina nie maje doŭhich i jakasnych uźlotna-pasadačnych pałos, nieabchodnych dla F-16, a taksama schovaŭ, jakija mahli b abaranić ich ad rasijskich napadaŭ.
Pa-treciaje, łahistyka padtrymki samalotaŭ vielmi składanaja.
Heta tyčycca jak pastavak zapčastak, tak i praviadzieńnia techničnaha absłuhoŭvańnia i pošuku inžynieraŭ. Ukraina sprabuje ŭ ličanyja miesiacy damahčysia taho, na što zvyčajna sychodzić try-čatyry hady.
Vydańnie adznačaje, što pradstaŭnik Lockheed Martin Corp., vytvorcy F-16, na adpraŭlenaje pytańnie nie daŭ adkazu pra toje, jak budzie ažyćciaŭlacca absłuhoŭvańnie i pastaŭki zapčastak.
Pierad pahrozaj paŭtornaha prychodu da ŭłady ŭ ZŠA administracyi Trampa sajuźniki pa NATA pahadzilisia ŭziać na siabie bolš šyrokuju rolu pa kaardynacyi pieradadzienaha abstalavańnia i navučańnia. Štat z prykładna 700 čałaviek budzie adkazvać za heta ŭ roznych miescach, u tym liku ŭ troch isnujučych strukturach u Polščy, Słavakii i Rumynii, dzie pravodzicca navučańnie piłotaŭ.
Ale ŭ navučańni ŭkrainskich piłotaŭ, jak adznačajuć vajennyja čynoŭniki, vialikaj pieraškodaj źjaŭlajecca moŭny barjer. Akramia hetaha, nieabchodna razumieć, što za tyja miesiacy, što prajšli z pačatku navučańnia, pole boju źmianiłasia: abodva baki stali spadziavacca na tannyja bieśpiłotniki, a Rasija ŭzmacniła svaju SPA.
Nienazvany ŭkrainski čynoŭnik, znajomy ź situacyjaj, u intervju vydańniu źmienšyŭ značeńnie moŭnaha barjera, ale pryznaŭ, što mieli miesca zatrymki z padrychtoŭkaj, ukamplektavańniem piersanałam i techničnym absłuhoŭvańniem, a taksama prablemy schovaŭ ad rasijskich atak.
Jak piša Bloomberg, adznačanyja prablemy akazalisia nastolki surjoznymi, što prymusili ŭsumnicca ŭ metazhodnaści adpraŭki źniščalnikaŭ va Ukrainu. U bližejšy čas Ukraina zmoža raźmiaścić eskadryllu F-16 u kolkaści ad 15 da 24 samalotaŭ, što našmat mienš za 300, ab jakich prosiać jaje lidary.
Inšaja krynica paćvierdziła, što Kijeŭ raźličvaje atrymać 6 samalotaŭ F-16 hetym letam i da 20 samalotaŭ da kanca hoda.
Pačaŭsia praces pieradačy źniščalnikaŭ F-16 Ukrainie — pieršyja samaloty ŭžo na šlachu ŭ krainu
Maskva pahraziła jadziernym udaram pa ŭkrainskim aeradromie, dzie buduć bazavacca F-16
USU mianiajuć stratehiju, rychtujučysia da prybyćcia F-16
Niderłandy dazvolili Ukrainie vykarystoŭvać F-16 dla naniasieńnia ŭdaraŭ pa celach u Rasii