Robiert Fica ŭpieršyniu vystupiŭ na publicy paśla zamachu na jaho ŭ siaredzinie maja.
Zvarot byŭ pryśviečany Dniu śviatych Kiryła i Miafodzija — dziaržaŭnamu śviatu ŭ Słavakii. U pryvatnaści, jon skazaŭ, što chacieŭ by dałučycca da premjera Vienhryi Viktara Orbanu padčas jaho vizitaŭ u Kijeŭ i Maskvu, paviedamlaje Rasijskaja słužba Radyjo Svaboda.
«Ja chaču vykazać svajo zachapleńnie vienhierskamu premjeru za toje, što jon biez vahańniaŭ adpraviŭsia ŭ Kijeŭ i Maskvu. Kali b stan majho zdaroŭja dazvalaŭ mnie jechać, ja b z zadavalnieńniem dałučyŭsia da jaho», — zajaviŭ Fica.
Premjer taksama adznačyŭ, što «mirnych inicyjatyŭ nikoli nie byvaje dastatkova».
Akramia taho, Fica raskrytykavaŭ libieralnuju ideałohiju, jakaja, pavodle jaho słoŭ, «raspaŭsiudžvajecca jak rak».
«Ja nie chaču, kab Słavakija naležała da krain, jakija stvarajuć karykaturu na zachodnija kaštoŭnaści», — skazaŭ premjer.
Jon udakładniŭ, što Kanstytucyju krainy nie buduć mianiać dziela «modnych pavievaŭ».
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary