Vystavili abvinavačvańnie namieśniku načalnika cecha Śvietłahorskaha CKK za minułahodniuju avaryju
7 červienia 2023 hoda na Śvietłahorskim celułoznym kambinacie adbyŭsia chimičny vybuch. U vyniku jaho zahinuli troje čałaviek, a škoda pradpryjemstvu pieravysiła 7 miljonaŭ rubloŭ. Ciapier Śledčy kamitet abnarodavaŭ niekatoryja padrabiaznaści hetaj spravy.
17.07.2024 / 15:49
Śvietłahorski CKK
Śćviardžajecca, što ŭ toj dzień namieśnik kiraŭnika cecha rehienieracyi daručyŭ svaim padnačalenym pravieści chimičnuju ačystku pierakisam vadarodu pasudziny, jakaja pracuje pad vysokim ciskam. Pry vykanańni hetych rabot adbyłasia samaadvolnaja łancuhovaja ekzatermičnaja reakcyja, što spravakavała vybuch mahutnaściu amal 680 kiłahramaŭ u tratyłavym ekvivalencie.
Pry hetym ustanoŭlena, što kiraŭnik cecha dakładna viedaŭ, što pramyvańnie padahravalnika pierakisam vadarodu nie praduhledžana techničnaj dakumientacyjaj, ale ŭsio ž daručyŭ supracoŭnikam vykanać takuju pracu, kab aščadzić čas.
Pa vynikach rasśledavańnia mužčynu vystavili abvinavačańnie za parušeńnie praviłaŭ vytvorča-techničnaj dyscypliny, praviłaŭ biaśpieki na vybuchovaniebiaśpiečnych pradpryjemstvach, jakoje paciahnuła pa nieaściarožnaści śmierć dźviuch i bolš asob, a taksama pryčynieńnie škody ŭ asabliva bujnym pamiery.
Jaho mohuć pakarać abmiežavańniem voli da piaci hadoŭ abo pazbaŭleńniem voli ad dvuch da siami hadoŭ.
Taksama Śledčy kamitet nakiravaŭ pradstaŭleńnie na imia staršyni «Biellespapieraprama» ab likvidacyi niedachopaŭ u śfierach vykanańnia praviłaŭ pramysłovaj biaśpieki i achovy pracy na Śvietłahorskim CKK.
Śvietłahorski kambinat ładzić u siabie sistemu abarony ad dronaŭ za 700 tysiač rubloŭ
«Biellespapierpram» asprečvaje, što Śvietłahorski CKK atrymaŭ hihancki štraf za škodu ekałohii
Śvietłahorski celułozna-kardonny kambinat aštrafavali na miljon dołaraŭ
SK zajaviŭ, što havaryć pra dakładnuju kolkaść zahinułych i paciarpiełych na Śvietłahorskim CKK rana