«Biellespapierpram» asprečvaje, što Śvietłahorski CKK atrymaŭ hihancki štraf za škodu ekałohii
U kancernie «Biellespapierapram» abvierhli infarmacyju ab vyniesienym štrafie Śvietłahorskamu celułozna-kardonnamu kambinatu (CKK) za nibyta naniasieńnie škody navakolnamu asiarodździu, nazvaŭšy jaje fejkam.
«Infarmacyja pra štraf za naniasieńnie škody navakolnamu asiarodździu nie maje ničoha ahulnaha z rečaisnaściu», — prakamientavali ŭ pres-słužbie kancerna.
U viedamstvie ŭdakładnili, što niadaŭna Śvietłahorski CKK sapraŭdy atrymaŭ praz sud štraf. Ale heta źviazana, maŭlaŭ, ź niesvoječasovym afarmleńniem pryrodaachoŭnych dazvolnych dakumientaŭ z-za zakančeńnia terminu dziejańnia papiarednich.
«Nijakaj pahrozy ŭ situacyi, jakaja skłałasia, ni dla ekałohii, ni dla prostych hramadzian niama, jak i samoj škody», — padkreślili ŭ kancernie.
Taksama ŭ pres-słužbie sa spasyłkaj na Biełhidramiet prainfarmavali, što ŭ Śvietłahorsku pieravyšeńniaŭ hraničnaj dapuščalnaj kancentracyi zabrudžvalnych rečyvaŭ u atmaśfiery, maŭlaŭ, nie fiksavałasia.
Raniej paviedamlałasia, što sud Homielskaj vobłaści praniaŭ rašeńnie ab nakładańni štrafu na Śvietłahorski CKK. Ciapier pradpryjemstva pavinna pieraličyć u dziaržbiudžet 3341758,02 rubla štrafu i 33417,58 rubla dziaržmyta.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj5
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1414
Kamientary