Kiraŭnik «Biełsata» adkazaŭ na abvinavačańni ŭ finansavych złoŭžyvańniach na kanale
Alaksiej Dzikavicki, jaki ciapier vykonvaje abaviazki dyrektara telekanała «Biełsat», adreahavaŭ na publikacyju na polskim partale Onet.pl, ź jakoj vynikaje, što klučavyja asoby kiraŭnictva «Biełsata», u tym liku i Dzikavicki, padazrajucca ŭ finansavych złačynstvach i złoŭžyvańni paŭnamoctvami, z-za čaho Polskaje telebačańnie mahło stracić bolš za 7 miljonaŭ złotych (kala $1,77 miljona).
19.07.2024 / 19:21
Alaksiej Dzikavicki. Fota: «Biełsat»
Dzikavicki «z usioj adkaznaściu» zajaŭlaje, što apisanyja ŭ artykule partała Onet «nibyta «złoŭžyvańni» nasamreč niapraŭda i paklop.
Kiraŭnik «Biełsata» aburajecca, što aŭtar artykuła, rychtujučy materyjał, nie sprabavaŭ uziać pierad jaho publikacyjaj kamientyry ni ŭ jaho, ni ŭ inšych asob, jakija ŭ materyjale zhadvajucca.
Što da krokaŭ u adkaz, to Dzikavicki anansuje:
«Nieŭzabavie budzie padrychtavanaja admysłovaja zajava z padrabiaznym tłumačeńniem situacyi, jakaja pojdzie ŭ redakcyju Onet i inšych miedyjaŭ. U vypadku admovy ŭ jaje publikacyi, nie vyklučaju jurydyčnych krokaŭ».
Stała viadoma, u čym padazrajuć Ramašeŭskuju, Dzikavickaha i inšych top-mieniedžaraŭ «Biełsata»
Dzikavicki adreahavaŭ na abvinavačańni prakuratury suprać byłoj kiraŭnicy «Biełsata»
Abnoŭleny «Biełsat» spynić viaščańnie praz spadarožnik?
«Biełsat» pierastanie być samastojnaj adzinkaj u struktury TVP