Pakul zastajecca niezrazumiełym, praź jakija kanały budzie raspaŭsiudžvacca infarmacyja. Mahčyma, što tolki praź internet.
Płan pa refarmavańni «Biełsata» pačynaje abrastać novymi padrabiaznaściami i interpretacyjami. Nahadajem, polskija ŭłady chočuć stvaryć na miescy «Biełsata» novuju strukturu, jakaja budzie pracavać adnačasova na biełaruskaj, ruskaj i ŭkrainskaj movach. Novy prajekt źbirajucca zapuścić 1 sakavika 2025 hoda, ale peŭnaści nakont taho, jak jon budzie pracavać, niama.
Pa słovach surazmoŭcy «Našaj Nivy», jakaja aznajomiłasia z płanam pa refarmavańni, viaščańnie hetaha novaha słavianamoŭnaha kanała na spadarožniku pryznajecca niemetazhodnym. Razam z tym płanujecca źniknieńnie kanała z kabielnych sietak Ukrainy, Litvy, Polščy. «A dzie jon tady budzie? Tam adkazu niama», — adznačaje surazmoŭca.
Na ciapierašni momant «Biełsat» viaščaje na terytoryju Biełarusi sa spadarožnika. Padličyć kolkaść hledačoŭ telekanała niama techničnaj mahčymaści. Sacyjałahičnyja daśledavańni, jakija padličyli b aktualnuju aŭdytoryju «Biełsata», u adkrytym dostupie adsutničajuć.
Aproč taho, teleefir možna pahladzieć na sajcie «Biełsata» i praź sietku kanałaŭ u jutubie.
Tym časam supracoŭniki «Biełsata» źviarnulisia da polskich uładaŭ z prośbaj zachavać «Biełsat» i jaho prajekty ŭ ramkach adnaho telekanała na čale z Alaksiejem Dzikavickim.
«My viedajem i bačym, što zaraz adbyvajucca niezvarotnyja pracesy, jakija viaduć da źniščeńnia i likvidacyi fłahmanskaha polskaha prajektu miakkaj siły na Uschodzie. Jak kalektyŭ my nie možam hetaha dapuścić. Tamu my nastojliva źviartajemsia da vas z prośbaj prysłuchacca da našaha hołasu i nie źniščać Biełsat!» — havorycca ŭ zvarocie.
Byłaja dyrektarka «Biełsata» vydała zajavu ŭ suviazi z abvinavačańniami ŭ rastratach. Patrabuje «spynieńnia paklopu» i prabačeńniaŭ
Zachavańnie «Biełsata» i źmiakčeńnie ŭmovaŭ pravozu tavaraŭ praz polskuju miažu — što Cichanoŭskaja abmierkavała ź Sikorskim
Dzikavicki adreahavaŭ na abvinavačańni prakuratury suprać byłoj kiraŭnicy «Biełsata»
«Biełsat» pierastanie być samastojnaj adzinkaj u struktury TVP
«Čamu nie spytaje ŭ siabie: kali ja jezdžu ŭ Hiermaniju i zabiraju ŭsie ŭznaharody, čamu nie vyjšaŭ na kantakt ź niemcami?» Da kaho źviarnuŭsia Łatuška?2929
Kamientary
Uzmacniłasia dyskryminacyja biełarusaŭ pa ŭsioj Eŭropie. Dyskryminujuć tych, što ŭciakli ad łukašysckaj turmy, ad pieraśledu pa nacyjanalnaj prykmiecie (hienacyd) i za čałaviečuju prystojnaść.
Akramia ŭsich raniejšych abmiežavańniaŭ, biełarusaŭ u Polščy pierastali brać na pracu ŭ šmat jakija ŭstanovy. Polski bank Santandar (Hišpanija) naprykład, zabaraniŭ biełarusam transakcyi praź Sieciva, anhielcy zabaraniajuć pierakłady anhielskich knih pa-biełarusku, u Letuvie tolki što pryniali antybiełaruski zakon ab pazbaŭleńni biełarusaŭ vida na žycharstva i departacyju ŭ 2-tydniovy termin, navat kali biełarus źvierniecca ŭ sud.
Tolki što źjaviłasia rašeńnie polskich uładaŭ, jakoha ŭvohule nichto nie čakaŭ -- rychtujecca rearhanizacyja ŭ telebačańni, jakaja, faktyčna, zabaronić biełaruskaje telebačańnie Biełsat. Biełsat źbirajucca pieratvaryć u nievialikuju redakcyju ŭ zbornaj telekampanii zamiežnaha viaščańnia. I heta, mahčyma, jašče nia ŭsio.
Z palityčnaha hledzišča, situacyja łapidarna zrazumiełaja (akramia, chiba, jak dla naiŭnych eŭrapalitykaŭ). Adbyvajucca adčuvalnyja i razburalnaja dziejańni Rasiei (rasiejskich słužbaŭ i ahientury) u hibrydnaj vajnie. My bačym, jak Eŭropa cierpić tut parazu krok za krokam. Dyskryminacyja biełarusaŭ, likvidacyja volnaha Biełsatu, spynieńnie pieravozak i t. p. -- usio heta ŭ peryjad vajny u kancovym vypadku nia tolki pryciaśniaje biełarusaŭ, ale i supiarečyć stratehičnym intaresam Polskaj dziaržavy. Na žal, jak vidać, nia ŭsie heta razumiejuć.
7 lipień 2024 h. Zianon PAŹNIAK
https://www.facebook.com/story.php?id=100041119419171&story_fbid=1237839304263372