Śledam za krasnadarcami vyjšli patrabavać elektryčnaści i žychary Anapy
Paśla taho jak miascovyja žychary vyjšli pratestavać pad ekanamičnymi łozunhami ŭ Krasnadary, za ich prykładam pajšli i žychary prymorskaj Anapy ŭ Krasnadarskim krai. Jany, niezadavolenyja adsutnaściu elektryčnaści, taksama pierakryli ŭ horadzie vulicu.
20.07.2024 / 20:25
Skrynšot ź videa
Niezadavolenyja adklučeńniami elektryčnaści pry tempieratury +33, anapcy vyjšli na adno sa skryžavańniaŭ i pierakryli častku pałos, puskajučy tolki chutkuju dapamohu.
Da niezadavolenych vyjšaŭ pradstaŭnik «Elektrasietak Kubani» i paviedamiŭ, što hienieratary ŭžo jeduć.
Adklučeńnie śviatła i vady tryvaje ŭ Anapie ŭžo čaćviortyja sutki.
Prablemy z elektrazabieśpiačeńniem hetym letam adbyvajucca nie tolki ŭ Krasnadary i Anapie, ale i ŭ Jejsku, i šerahu inšych haradoŭ na poŭdni Rasii z-za deficytu mahutnaści ŭ enierhasistemie i pierahruzki sietki z-za vysokaha spažyvańnia.
U rasijskim Krasnadary ludzi pierakryli vulicu z-za adklučeńniaŭ śviatła