«Adpraviŭ mnie škury krakadziła». Maci zahinułaha ŭ Mali vahnieraŭskaha błohiera Grey Zone raskazała pra syna
Maci zahinułaha ŭ Mali admina telehram-kanała Grey Zone Mikity Fiadzianina raskazała pra apošniuju kamandziroŭku syna.
28.07.2024 / 18:35
Mikita Fiadzianin. Fota: telehram-kanał «VČK-OHPU»
Jaje apovied apublikavaŭ telehram-kanał «VČK-OHPU».
Maci raskazała, što Mikita Fiadzianin naradziŭsia i žyŭ u Lipiecku, dzie skončyŭ VNU z čyrvonym dypłomam. Potym źjechaŭ u Maskvu, dzie atrymaŭ druhuju vyšejšuju adukacyju — jurydyčnuju. Niekalki hadoŭ jon vučyŭsia ŭ Rasijskaj akademii narodnaj haspadarki i dziaržaŭnaj słužby pry prezidencie Rasii, ale pierad samaj abaronaj dypłoma kinuŭ.
Zamiest hetaha jon padpisaŭ novy kantrakt i adpraviŭsia ŭ Afryku ŭ studzieni 2024 hoda.
Mikita Fiadzianin. Fota: telehram-kanał «VČK-OHPU»
Mikita prasiŭ prylacieć maci asobna ŭ Afryku, kab pieradać joj sumki z trafiejami i pakupkami, siarod jakich byli škury krakadziła.
Z Mali jon vyjazdžać nie moh pa ŭmovach kantraktu. Taksama jon pieradaŭ u Maskvu praz tavaryšaŭ pa słužbie paru sumak ź dzikovinkami z Afryki.
Prykładna tydzień tamu Mikita papiaredziŭ, što budzie biez suviazi, nibyta jon z padraździaleńniem pieradysłakujecca ŭ inšaje miesca. Mahčyma, jon nie chacieŭ kazać, što sychodzić na bajavoje zadańnie.
Dniami ŭ składzie atrada «Vahniera» Mikita Fiadzianin zahinuŭ padčas zładžanaj tuarehami zasady ŭ Mali. Jahonaje cieła trapiła na videa, jakoje raspaŭsiudžvajecca ŭ internecie. Asobu mužčyny raskryli najmity DŠRH «Rusič», jakija prytrymlivajucca nieanacysckich pohladaŭ.
Kanał Grey Zone naličvaje 560 tysiač padpisčykaŭ.
Kałona vahnieraŭcaŭ trapiła ŭ zasadu tuarehaŭ u Mali
Chto takija tuarehi, jakija razhramili kałonu vahnieraŭcaŭ? I za što jany vajujuć?