Jaho kanał byŭ adnym z samych kryvažernych u adnosinach da ŭkraincaŭ.
![](http://nashaniva.com/img/w840d4webp1/photos/z_2024_07/greyz-ku8w0.jpg.webp)
U siecivie źjavilisia videa ź dziasiatkami zabitych i pałonnych.
Paviedamlajecca, što ŭ kałonie byŭ i aŭtar rasijskaha telehram-kanała Grey Zone z 535 tysiačami padpisčykaŭ, niefarmalnaha rupara PVK «Vahnier». Hety kanał ad 2022 hoda adyhryvaŭ važnuju rolu ŭ raspalvańni nianaviści da ŭkraincaŭ, byŭ adnym z samych kryvažernych.
Inšyja Z-błohiery, blizkija da vahnieraŭcaŭ, paćviardžajuć jaho śmierć. Kanał Grey Zone nie abnaŭlajecca z 23 lipienia.
Rasijskija najmity prysutničajuć u Mali z 2021 hoda: u 2020 hodzie ŭładu ŭ krainie čarhovym razam zachapili vajskoŭcy, a praz hod chunta zaprasiła dla harantavańnia biaśpieki PVK «Vahnier», piša BBC.
Razhrom kałony malijskich vojskaŭ paćvierdziŭ u razmovie z AFP miascovy čynoŭnik. Pavodle jaho, vajskoŭcy stracili zabitymi nie mienš za 17 čałaviek.
Były supracoŭnik misii AAN u horadzie Kidal na poŭnačy Mali zajaviŭ ahienctvu, što 15 vahnieraŭcaŭ byli zabityja albo ŭziatyja ŭ pałon paśla trochdzionnaha boju.
Udzielnik sieparatysckaha ruchu tuarehaŭ Mosa Ah Inzoma skazaŭ AFP, što havorka idzie pra «šmat dziasiatkaŭ» zabitych i ŭziatych u pałon najmitaŭ rasijskaj PVK.
«Znatnyja kilery ŭžo katajucca pa horadzie». U rasijskim SK raskazali pra pamiłavanych Pucinym zabojcaŭ
Va ŭnutranych vojskaŭ zaŭvažyli zachopleny ŭkrainski bronieaŭtamabil. Jak jon moh trapić u Biełaruś?
Pomnik na mahile Pryhožyna ŭ Pieciarburhu ablili biełaj farbaj. A ŭ ruku ŭstavili fałaimitatar FOTAFAKT
U Śvietłahorsku za reposty sudzili brata mužčyny, jaki vajavaŭ za Rasiju i zahinuŭ
Kamientary