Biełaruś zastajecca najbujniejšym imparcioram polskich jabłykaŭ
Biełaruś druhi hod zapar źjaŭlajecca najbujniejšym ekspartnym rynkam dla polskich vytvorcaŭ jabłykaŭ. U lipieni 2024 hoda naša kraina zakupiła ŭ Polščy 2993 tony hetaj pradukcyi, što ŭdvaja bolš, čym u druhoha pa vieličyni imparciora — Kazachstana. Pra heta napisaŭ polski śpiecyjalizavany partał sad24.pl.
05.08.2024 / 22:25
U toj ža čas u Polščy adznačajuć, što pastaŭki ichnich jabłykaŭ u krainy Jeŭrasajuza prykmietna skaracilisia. U lipieni tudy było pastaŭlena 7,1 tys. ton, što amal u dva razy mienš, čym hod tamu za toj ža miesiac.
Źnižajucca pastaŭki i na ŭschodnim kirunku. Tak, Biełaruś hod tamu ŭ lipieni zakupiła 4,5 tys. ton, a ciapier mienš za 3 tys. ton. Trecim pa abjomach uschodnim pakupnikom polskich jabłykaŭ u lipieni stała Manholija — 598 ton.
Pry hetym lipień staŭ apošnim miesiacam, kali polskija jabłyki možna było ŭvozić u Biełaruś. Pahadnieńnie ab hetym pamiž dźviuma krainami dziejničała z 1 krasavika pa kaniec lipienia. Za hety čas biełarusy zakupili ŭ Polščy 22 tys. ton jabłykaŭ.