Ci možna sarvać jabłyki z susiedskaha dreva, kali halina źvisaje nad vašym učastkam? Adkaz vas ździvić
Kazus kamientuje juryst.
Mnohija, u kaho jość dačnyja ŭčastki, sutykalisia ź situacyjaj, kali halinka susiedskaha dreva źvisaje ŭžo nad ich terytoryjaj. Ci možna ŭ takim vypadku zabirać sabie, naprykład, jabłyki z hetaj halinki?
Nie, tak rabić nielha, raskazała advakatka jurydyčnaj kansultacyi Centralnaha rajona Minska Kryścina Jakuta-Marčuk vydańniu «AiF».
Pavodle jaje słoŭ, drevy, jakija rastuć u miežach dačnych učastkaŭ, źjaŭlajucca ŭłasnaściu haspadaroŭ hetych učastkaŭ.
«U siłu hramadzianskaha zakanadaŭstva płady naležać asobie, jakaja vykarystoŭvaje hetuju majomaść na zakonnaj padstavie, kali inšaje nie praduhledžana zakanadaŭstvam abo damovaj ab vykarystańni hetaj majomaści. Tamu płady na jabłyni susieda — heta jahonaja ŭłasnaść», — raskazała juryst.
Kali susiedskaje dreva vam pieraškadžaje, advakatka prapanuje dla pačatku paprasić susieda zrezać halinku. Kali jon nie pahodzicca, to možna źviarnucca ŭ sud z pazovam ab likvidacyi pieraškod u ažyćciaŭleńni prava vałodańnia i karystańnia ziamielnym učastkam. U takim vypadku sud moža abaviazać susieda, naprykład, pierasadzić jabłyniu ci ŭvohule jaje śpiłavać.
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1111
Kamientary