Nobieleŭskaha łaŭreata Junusa pryznačyli časovym premjeram Banhładeš
Paśla spynieńnia biesparadkaŭ u Banhładeš, uciokaŭ premjerki i pryniataha pry ŭdziele vajskoŭcaŭ rašeńnia raspuścić parłamient kiraŭnikom časovaha ŭrada krainy staŭ 84-hadovy łaŭreat Nobieleŭskaj premii miru ekanamist Muchamad Junus.
06.08.2024 / 23:09
Muchamied Junus. Fota: Mahmud Hossain Opu / AP
Lidary studenckich pratestaŭ zaklikali Junusa kuryravać farmavańnie novaha Kabinieta.
Daŭni praciŭnik zrynutaj premjerki, u pieryjad jaje praŭleńnia abvinavačany ŭ finansavych machinacyjach i karupcyi, Muchamad Junus paćvierdziŭ hatoŭnaść budavać novuju Banhładeš i zajaviŭ, što «kraina bienhalcaŭ» pieražyvaje druhuju revalucyju na šlachu da demakratyi.
«Ja kranuty davieram pratestoŭcaŭ, jakija chočuć, kab ja ŭznačaliŭ časovy ŭrad. Ja zaŭsiody dystancyjavaŭsia ad palityki, ale siońnia, kali ŭ Banhładeš nieabchodna dziejničać dziela majoj krainy i dziela mužnaści majho naroda, to ja heta zrablu», — skazaŭ jon ahienctvu AFP.
Pierad hetym paviedamlałasia, što Muchamada Junusa zrabili hałoŭnym daradcam novaha ŭrada.
84-hadovy nobieleŭski łaŭreat Muchamad Junus pahadziŭsia ŭvajści ŭ časovy ŭrad Banhładeš
Armija Banhładeš zajaviła pra stvareńnie Časovaha ŭrada
Pratesty ŭ Banhładeš: premjer-ministr pakinuła krainu, natoŭp zachapiŭ jaje rezidencyju
U Banhładeš u sutyknieńniach z palicyjaj zahinuli 170 čałaviek