Сэндвічы з запечанымі баклажанамі і чырвоным перцам, казіным сырам, часнаком і базілікам
Два героі жніўня — баклажаны і перац — многім здаюцца не самастойнымі прадуктамі, якія патрабуюць складанага «аздаблення». Але, магчыма, і не такога складанага. Абодва выдатна праяўляюць сябе ў запечаным выглядзе. Летнія сэндвічы з запечанымі баклажанамі і перцам на лёгкай чыябаце — ідэальны перакус, які прыдасца ў шматлікіх выпадках.
10.08.2024 / 07:55
Фота: mariamakes.com
Каб прыгатаваць сэндвічы з запечанымі баклажанамі, перцам і сырам, спатрэбіцца:
- 4 цэльнезерневыя булачкі для сэндвічаў, чыябата або любы іншы хлеб на ваш выбар
- 2 сярэднія баклажаны, нарэзаныя лустачкамі таўшчынёй 2,5-5 см (4-5 лустачак на сэндвіч)
- 2 чырвоныя балгарскія перцы
- 2 зубкі часнаку
- 1-2 ст. л. аліўкавага алею
- 1-2 ст. л. бальзамічнага воцату
Для сумесі з казінага сыру з часнаком і базілікам (калі казіны сыр вам не да спадобы, гл. альтэрнатыўную інструкцыю ніжэй, як прыгатаваць узбіты сыр фета з часнаком і базілікам):
- 120 г казінага сыру
- 2 ст. л. свежага базіліку,
- 1 ст. л. аліўкавага алею,
- 1 здробнены зубчык часнаку
Фота: mariamakes.com
Як гатаваць:
- Нарэжце баклажаны тоўстымі лустачкамі (таўшчынёй 2,5-5 см ці крыху менш). Зрэжце бакавыя часткі перцаў, каб атрымалася 6-8 «пласцін» чырвонага перцу. Здрабніце 3 зубкі часнаку — траціну часнаку адкладзіце і пакіньце для сырнай сумесі.
- Дадайце лустачкі баклажана і перцу ў вялікую міску. Пасыпце часнаком (прыкладна 2 зубкі), апырскайце аліўкавым алеем і бальзамічным воцатам і хутка перамяшайце. Злёгку прапраўце соллю і перцам. Пакіньце іх, каб яны прамарынаваліся, пакуль вы разаграваеце грыль да сярэдне-высокай тэмпературы. Парада: вам трэба працаваць хутка, бо баклажаны вельмі хутка ўбіраюць алей і воцат, і вам трэба, каб яны прыгатаваліся раўнамерна.
- Складзіце папяровы ручнік пару разоў і вышмаруйце складзены край аліўкавым алеем. Пасля таго, як грыль папярэдне нагрэецца, выкарыстоўвайце шчыпцы для грылю і папяровы ручнік з аліўкавым алеем, каб вышмараваць рашотку грылю.
- Выкладзіце лустачкі баклажана і перцу на грыль. Гатуйце баклажаны па 3-4 хвіліны з кожнага боку або да мяккасці, але не да кашападобнага стану! Перцы пячыце па 6-8 хвілін з кожнага боку або да мяккасці. І сачыце: яны хутка падгараюць.
- Пакладзіце хлеб/булачкі таксама на грыль і абсмажце па 1 хвіліне з кожнага боку, каб яны злёгку падрумяніліся.
- Каб прыгатаваць казіны сыр з часнаком і базілікам, пакладзіце прыкладна 120 г казінага сыру размякчанага казінага сыру ў невялікую міску. Дадайце ў сыр прыкладна 2 ст.л. сечанага свежага базіліку і часнок (1 зубчык, здробнены). Апырскайце невялікай колькасцю аліўкавага алею і перамяшайце ўсе лыжкай да аднастайнай масы.
- Калі перац трохі астыне, нарэжце яго тонкімі лустачкамі.
- Каб зрабіць сэндвічы, намажце хлеб сумессю з казінага сыру. Дадайце 4-5 лустачак смажанага баклажану, затым зверху пакладзеце нарэзаны перац. Зверху выкладзеце верхнюю булачку для сэндвічаў і атрымлівайце асалоду!
- Калі перац трохі астыне, нарэжце яго тонкімі лустачкамі.
- Каб зрабіць сэндвічы, намажце хлеб сумессю з казінага сыру. Дадайце 4-5 лустачак смажанага баклажану, затым зверху пакладзеце нарэзаны перац. Зверху выкладзеце верхнюю булачку для сэндвічаў і атрымлівайце асалоду!
Гэтыя сэндвічы смачныя як гарачыя, так пакаёвай тэмпературы або халодныя, так што выбірайце самі! Яны захаваюцца на працягу дня, калі вы шчыльна загорнеце іх у ваксаваную паперу і пакладзяце ў халадзільнік.
Чым замяніць казіны сыр: узбітая паста з феты з часнаком і базілікам
Спатрэбіцца:
- 170 г здробненага сыру фета
- 50 г узбітага сметанковага сыру
- 2 ст. л. — 1/4 шклянкі аліўкавага алею
- 2 ст. л. лімоннага соку
- 4 ст. л. свежага базіліку
- 2 зубкі часнаку, здробненыя
Як гатаваць: змяшайце ўсе інгрэдыенты ўручную да аднастайнай масы. АБО: дадайце фету, сметанковы сыр, лімонны сок і часнок у кухонны камбайн. Здрабніце да крэмападобнай кансістэнцыі і апырскайце аліўкавым алеем. Дадайце свежы базілік і перамяшайце.
Сэндвічы з яечнай пастай — рэцэпт
Аргенцінскія піражкі эмпанадас
Баклажаны, начыненыя грыбамі і сырам
Рэцэпт на выхадныя. Фаршыраваныя баклажаны — класічны італьянскі сялянскі рэцэпт
Па рэцэпце матулі: сакавітыя фаршыраваныя перцы
Кансервуем перцы — правераны рэцэпт