Пакуль восень працягвае пастаўляць свежую гародніну, паспейце прыгатаваць гэту сакавітую і духмяную страву. Калорый няшмат, затое шмат карысці.
Самы час для баклажанаў — любімага прадукту дыетолагаў. Гэта гародніна не толькі прыгожая, але і карысная: колькасць вітамінаў і клятчаткі ў ёй зашкальвае, а розныя рэчывы дапамагаюць кантраляваць узровень цукру ў крыві і зніжаюць рызыку сардэчна-сасудзістых захворванняў.
Каб прыдаць гэтай гародніне больш смаку, яе звычайна гатуюць разам з нейкімі іншымі складнікамі, смак якіх больш выразны. Раней мы ўжо прапаноўвалі рэцэпт фаршыраваных баклажанаў, дзе ў якасці начынкі выступаюць памідоры, сыр і прыправы, цяпер вашай увазе яшчэ адно спалучэнне — з сырам і грыбамі.
Спатрэбіцца:
- 2 баклажаны
- соль
- аліўкавы алей (або любы іншы алей)
- 120 г грыбоў, нарэзаных лустачкамі
- свежамолаты перац
- адна-дзве жоўтыя цыбуліны, дробна нарэзаныя
- 1 чайная лыжка праванскіх траў
- 4 кавалкі падсмажанага белага хлеба, нарэзанага кубікамі
- 1 сталовая лыжка несалёнага масла
- 3/4 шклянкі цёртага сыру
- 1/2 шклянкі агародніннага булёну
- 1-2 зубчыкі часнаку, здробненыя
Як гатаваць:
- Разрэжце баклажаны ўздоўж на палоўкі і дастаньце мякаць, пакінуўшы лупіну таўшчынёй каля 6 мм. Нарэжце мякаць кубікамі памерам 1—2 см. Пасаліце лупіну баклажанаў і дайце пастаяць 30 хвілін. Прамакніце лупіну дасуха.
- Разагрэйце духоўку да 160°C. Нашмаруйце баклажаны алеем; пакладзіце іх на бляху з борцікамі зрэзам уніз. Дадайце 1/4 шклянкі вады, накрыйце фольгай і запякайце 30 хвілін.
- Тым часам у патэльні нагрэйце аліўкавы алей. Дадайце грыбы. Прыпраўце соллю і перцам, накрыйце вечкам і варыце на ўмераным агні да гатоўнасці; перакладзіце ў міску.
- Нагрэйце яшчэ аліўкавы алей у патэльні. Дадайце нарэзаныя кубікамі баклажаны. Прыпраўце соллю і перцам, накрыйце вечкам і гатуйце, пакуль яны не стануць мяккія і не падрумяняцца, недзе 3 хвіліны; дастаньце і пакладзіце ў тую ж міску.
- Дадайце ў патэльню часнок, цыбулю і яшчэ аліўкавага алею. Накрыйце вечкам і варыце, пакуль змесціва не стане мяккім.
- Дадайце праванскія травы і масла і мяшайце да з'яўлення водару, недзе хвіліну. Дадайце ў міску з грыбна-баклажанавай сумессю.
- Дадайце кубікі хлеба, ½ шклянкі сыру і агароднінны булён. Прыпраўце начынку соллю і перцам.
- Павялічце тэмпературу духоўкі да 210°C. Перавярніце лупіну баклажанаў зрэзам уверх і напоўніце начынкай. Пасыпце сырам, які застаўся, і запякайце каля 15 хвілін (пакуль не падпячэцца).
Больш рэцэптаў:
Кансервуем перцы — правераны рэцэпт
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары