Byłaja niaviestka Saładuchi zhadała, jak 19 hadoŭ tamu była na padtancoŭcy ŭ Ksienii Sitnik. Tyktok u zachapleńni
Chryścina Saładucha praz 19 hadoŭ vyrašyła paŭtaryć taniec, jaki vykonvała na scenie «Słavianskaha bazaru». Tady jana była ŭ padtancoŭcy Ksienii Sitnik, jakaja śpiavała svaju «Prostuju piesieńku». Rolik nabraŭ u tyktoku kala miljona prahladaŭ.
12.08.2024 / 16:46
Skrynšot videa Chryściny Saładuchi ŭ tyktoku
«Ja amal usie tancy dziacinstva pamiataju. Było stolki repietycyj, što zabycca niemahčyma», — padpisała videa Chryścina.
Jana z 3 da 17 hadoŭ zajmałasia tancami ŭ chareahrafičnym ansambli «Zoŕka». Razam z hetym kalektyvam Chryścina šmat vystupała na scenie (u tym liku i «Słavianskaha bazaru»).
Rolik tancorki zavirusiŭsia ŭ tyktoku i za šeść dzion nabraŭ amal miljon prahladaŭ i bolš za 15 tysiač łajkaŭ. A jašče vyklikaŭ chvalu nastalhii ŭ kamientaryjach: usie ździŭlajucca tamu, što vystupleńnie Sitnik na dziciačym «Słavianskim bazary» było nie hod-dva tamu, a ažno ŭ 2005-m.
Chryścina Saładucha z dačkoj Majaj
Dla Chryściny, jak vyśvietliłasia, dziciačaje chobi ŭ vyniku stała prafiesijaj. Ciapier u dziaŭčyny svaja škoła tancaŭ u Minsku — jana zajmajecca chareahrafijaj z maleńkimi dziećmi. Siarod tych, kaho vučyć Chryścina, i jaje dačka Maja — unučka śpievaka Alaksandra Saładuchi.
Chryścina z dačkoj i Alaksandram Saładucham-małodšym
Chryścina była zamužam za synam artysta — jaho zavuć, jak i baćku, Alaksandr Saładucha (i jon taksama śpiavaje, časta na kancertach taty). U 2020 hodzie jana naradziła dziaŭčynku.
Ale ciapier Alaksandr i Chryścina razyšlisia. Jana pieryjadyčna publikuje videa, na jakich maleńkaja Maja razam z zornym dziadulem, i padkreślivaje, jak takija sustrečy radujuć dzicia. A Alaksandr Saładucha-małodšy paśpieŭ zrabić prapanovu ruki i serca novaj dziaŭčynie.
Z nahody 9 žniŭnia Ksienija Sitnik zhadała svoj vierš pra 2020 hod
Saładucha pryznaŭsia, što jaho «dziaruć na šmatki»