Ukraina ŭziała ŭ pałon sotni rasijskich sałdat u Kurskaj vobłaści. Rasija ŭžo inicyjavała pieramovy pra abmien
Siarod pałonnych — šmat rasijskich sałdat terminovaj słužby. USU ŭdałosia pravieści najbujniejšy zachop praciŭnika za adzin raz.
15.08.2024 / 13:51
Fota: prajekt «Choču žiť»
Rasija inicyjavała pieramovy z Ukrainaj nakont abmienu pałonnymi, zachoplenymi ŭ Kurskaj vobłaści.
Pra heta raspavioŭ upaŭnavažany Viarchoŭnaj Rady pa pravach čałavieka Dźmitryj Łubiniec. Ź jahonych słoŭ, razmovu ab abmienie pałonnymi inicyjavała jahonaja rasijskaja kaleha Taćciana Maskalkova.
Ukrainskaja vajskovaja raźviedka paćvierdziła, što viadzie pieramovy ab abmienie z rasiejskim bokam, piša The Financial Times.
Kijeŭ nie raskryvaje kolkaść uziatych u pałon u Kurskaj vobłaści rasijskich vajskoŭcaŭ, adnak čynoŭniki i sałdaty na miažy paviedamlajuć, što lik idzie na sotni. Siarod pałonnych — šmat rasijskich sałdat terminovaj słužby, jakich pałanili ŭ samym pačatku apieracyi USU.
Pavodle źviestak ukrainskich śpiecsłužbaŭ, USU na adnym z etapaŭ nastupu ŭdałosia pravieści najbujniejšy zachop praciŭnika ŭ pałon, jaki adbyŭsia za adzin raz.
Ukrainskija ŭłady prapanavali žycharam Kurskaj vobłaści evakujavacca na terytoryju Ukrainy
Rotu rasijskich sałdat uziali ŭ pałon u Kurskaj vobłaści
U pačatku bajoŭ u Kurskaj vobłaści rasijanie prymali ŭkraincaŭ za svaich
Maskva nie źviartałasia pa dapamohu da ADKB u suviazi z padziejami ŭ Kurskaj vobłaści