U pačatku bajoŭ u Kurskaj vobłaści rasijanie prymali ŭkraincaŭ za svaich
Ukrainski aficer raskazaŭ, jak zachapili rasijski tank.
Karespandent Bild Vadzim Maisienka pabyvaŭ u Sumskaj vobłaści Ukrainy kala dziaržmiažy z RF. Jon parazmaŭlaŭ z 38-hadovym ukrainskim aficeram Uładzimiram.
Toj raspavioŭ, što 6 žniŭnia, u pieršy dzień nastupu ŭ Kurskaj vobłaści, USU tak chutka prasoŭvalisia napierad, što rasijskija vajskoŭcy časta pamylalisia, prymajučy ŭkraincaŭ za svaich. Pa słovach Uładzimira, adna ź jaho častak užo ŭ pieršy dzień zaniała druhuju liniju abarony US RF. Nieŭzabavie tudy padjechali dva rasijskija vajennyja hruzaviki.
«Kala 100 rasijskich žaŭnieraŭ vyjšli z hruzavikoŭ i pajšli ŭ bok našaj pazicyi. Jany nie viedali, što ich druhaja linija — heta ŭžo naša pieršaja. <..> Kali jany padyšli prykładna na 60 mietraŭ, našy sałdaty adkryli ahoń», — raspavioŭ aficer.
Užo ŭ pryciemkach da ŭkrainskich sałdat padjechaŭ rasijski tank.
«Duła było źviernuta nazad, tank nie byŭ hatovy da boju», — zajaviŭ Uładzimir. Pa ŭsioj bačnaści, tankisty taksama nie viedali, što hetuju terytoryju ŭžo kantralujuć USU. Tank pajechaŭ u bok lesu, dzie ŭkraincy kapali akopy. Rasiejski tankist vyjšaŭ i spytaŭ ich: «Chłopcy, dzie lepš pryparkavacca?»
Ukraincy adkazali: «Vychodźcie, vy ŭžo pryparkavalisia».
«Tak my zachapili tank!» — pieramožna raskazvaje aficer i śmiajecca.
Žychar Ivanava spłaciŭ $600 tysiač kampiensacyi za danaty, ale ŭsio adno atrymaŭ 5,5 hoda źniavoleńnia1
Žychar Ivanava spłaciŭ $600 tysiač kampiensacyi za danaty, ale ŭsio adno atrymaŭ 5,5 hoda źniavoleńnia
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1515
Kamientary